ՔՐԻՍՏՈՆԷԱՎԱՅԵԼ ԱՊՐԵԼԱԿԵՐՊ
Եհովան մեր դժուարութիւններուն մէջ մեզի կ’օգնէ
Այս վերջին օրերուն, շատ մը դժուար պարագաներէ կ’անցնինք։ Ատեններ, կը զգանք որ մեր դժուարութիւններուն տոկալը շա՜տ դժուար է։ Բայց եթէ շարունակենք Եհովային մօտենալ, ան մեզի պիտի օգնէ որ նոյնիսկ ամէնէն նեղացուցիչ դժուարութիւններուն տոկանք (Եսա. 43։2, 4)։ Երբ դժուարութիւններէ կ’անցնինք, ինչպէ՞ս կրնանք Եհովային մօտենալ։
Աղօթք։ Երբ որ մեր սիրտը Եհովային առջեւ պարպենք, ան մեզի մտքի խաղաղութիւն կու տայ եւ զգացական գետնի վրայ կը զօրացնէ, որ տոկանք (Փլպ. 4։6, 7. Ա. Թես. 5։17)։
Ժողովներ։ Որեւէ ժամանակէ աւելի, մենք պէտք ունինք հոգեւոր սնունդի եւ ընկերակցութեան, որ Եհովան կու տայ մեր ժողովներուն ժամանակ (Եբ. 10։24, 25)։ Երբ որ ժողովները պատրաստենք, ատոնց ներկայ ըլլանք եւ մասնակցինք, լման պիտի օգտուինք Եհովային սուրբ հոգիին օգնութենէն (Յայտ. 2։29)։
Ծառայութիւն։ Մեզի համար աւելի դիւրին պիտի ըլլայ կեդրոնանալ դրական բաներու վրայ, եթէ ամէն ջանք ընենք որ ծառայութեամբ զբաղած մնանք։ Ասկէ զատ, ծառայութիւնը մեր բարեկամութիւնը պիտի զօրացնէ Եհովային հետ եւ մեր ծառայակիցներուն հետ (Ա. Կոր. 3։5-10)։
ԴԻՏԷ ԵՀՈՎԱՆ ՔԵԶԻ ՀՈԳ ՊԻՏԻ ՏԱՆԻ ՎԻՏԷՈՆ, ԵՒ ԵՏՔԸ ՊԱՏԱՍԽԱՆԷ ԱՅՍ ՀԱՐՑՈՒՄՆԵՐՈՒՆ.
Ի՞նչը Մալուին օգնեց, որ Եհովային մօտիկ մնայ մինչ դժուար պարագաներէ կ’անցնէր։
Մալուին պէս, ինչպէ՞ս կը մխիթարուինք Սաղմոս 34։18–ի խօսքերով, երբ դժուար պարագաներէ անցնինք։
Մալուին փորձառութիւնը ինչպէ՞ս ցոյց կու տայ, որ Եհովան «սովորականէն աւելի եղող ուժը» կու տայ մեզի մեր դժուարութիւններուն ժամանակ (Բ. Կոր. 4։7, ՆԱ)։