Ձախէն վերի նկարը՝ Marek M. Berezowski/Anadolu Agency via Getty Images. ձախէն վարի նկարը՝ Halfpoint Images/Moment via Getty Images. մէջտեղի նկարը՝ Zhai Yujia/China News Service/VCG via Getty Images. աջէն վերի նկարը՝ Ismail Sen/Anadolu Agency via Getty Images. աջէն վարի նկարը՝ E+/taseffski/via Getty Images
ԱՐԹՈ՛ՒՆ ԿԵՑԷՔ
2023. Շատերու մտահոգութիւն պատճառող տարի մը. Աստուածաշունչը ի՞նչ կ’ըսէ
2023–ին, աշխարհի չորս կողմը տեղի ունեցող շատ մը դէպքեր յստակ փաստեր տուին, որ մենք կ’ապրինք Աստուածաշունչին «վերջին օրեր» կոչած ժամանակաշրջանին մէջ (Բ. Տիմոթէոս 3։1)։ Տես թէ ինչպէ՛ս այս դէպքերը նոյն դէպքերն են, որոնց մասին Աստուածաշունչը մարգարէացած էր, որ տեղի պիտի ունենային մեր օրերուն։
Աստուածաշունչը եւ համաշխարհային դէպքեր
«Պատերազմներ ու պատերազմներու լուրեր» (Մատթէոս 24։6)։
«Աշխարհի տարբեր–տարբեր շրջաններու մէջ, վայրագ կռիւներ երթալով կ’աւելնան»a։
Տե՛ս «Ո՞վ պիտի ազատէ քաղաքացիները» (արաբ.) եւ «Համաշխարհային զինուորական ծախսերը 2 եռիլիոն տոլարը կ’անցնին» յօդուածները։
«Տեղ տեղ երկրաշարժներ պիտի ըլլան» (Մարկոս 13։8)։
«2023–ի սկիզբէն ի վեր մինչեւ օրս, ամբողջ աշխարհի մէջ 13 երկրաշարժներ եղան՝ աւելի քան 7 աստիճան ուժգնութեամբ»։ Ասիկա երկրաշարժներու պատմութեան մէջ, արձանագրուած ամէնէն բարձր թիւն էրb։
Տե՛ս «Քանդիչ երկրաշարժներ կը հարուածեն Թուրքիան եւ Սուրիան» յօդուածը։
«Սոսկալի բաներ» (Ղուկաս 21։11)։
«Ա՛լ չենք կրնար ըսել որ համաշխարհային ջերմացումի դարն է։ Մենք հասած ենք այնպիսի օրերու, որ ամբողջ աշխարհը տաքէն կ’եռայ» (Անթոնիօ Կութիերես, ՄԱԿ–ի ընդհանուր քարտուղար)c։
Տե՛ս «2023–ի ամառը՝ տարօրինակ տաքի ալիք մը կը հարուածէ աշխարհի չորս կողմը» յօդուածը։
«Սովեր» (Մատթէոս 24։7)։
«2023–ը մէկ այլ անորոշ տարի էր, բոլոր անոնց համար՝ որոնք դժուարութիւն ունին իրենց ընտանիքներուն պէտքերը հոգալու»d։
Տե՛ս «Համաշխարհային ուտելիքի պակասը աւելի գէշ կ’ըլլայ պատերազմի եւ կլիմայի փոփոխութեան պատճառով» յօդուածը (արաբ.)։
«Չար ժամանակներ» (Բ. Տիմոթէոս 3։1)։
«Աշխարհի չորս կողմը, ամէն 8 հոգիէն մէկը մտային հիւանդութիւն ունի»e։
Տե՛ս «Պատանիներու մտային առողջութիւնը՝ վտանգի տակ» (արաբ.)։
2024–ին ի՞նչ պիտի ըլլայ
Մէ՛կը չի կրնար գիտնալ, թէ գալ տարի ի՛նչ պիտի ըլլայ։ Բայց համաշխարհային դէպքերը ցոյց կու տան, որ մօտ օրէն Աստուծոյ Թագաւորութիւնը, այսինքն՝ Աստուծոյ երկնային կառավարութիւնը, պիտի փոխարինէ բոլոր մարդկային կառավարութիւնները եւ մարդոց բոլոր չարչարանքներուն եւ մտահոգութիւններուն վերջ պիտի դնէ (Դանիէլ 2։44. Յայտնութիւն 21։4)։
Մինչ այդ, եթէ երբեմն մտահոգուինք, կրնանք Աստուծոյ դիմել օգնութեան համար։ Աստուածաշունչը կ’ըսէ.
«Երբ վախնամ քեզի պիտի վստահիմ» (Սաղմոս 56։3, ԱԾ)։
Ինչպէ՞ս ցոյց կու տանք, որ Աստուծոյ կը վստահինք։ Քեզ կը քաջալերենք որ սերտես ապագային նկատմամբ Աստուծոյ խոստումներուն մասին,– ապագայ մը՝ երբ մարդիկ ա՛լ պիտի չչարչարուին։ Փորձէ Սուրբ Գիրքի մեր ձրի դասընթացքը եւ տես թէ ինչպէ՛ս դուն եւ ընտանիքդ կրնաք օգտուիլ Աստուածաշունչի խոստումներէն։
a Արտերկրային հարցեր, «Աշխարհը պատերազմի մէջ. Համաշխարհային վայրագ կռիւներու ետին ի՞նչ կայ» (Էմմա Պիլզի եւ Փիթըր Սալիսպուրիի կողմէ, 30 հոկտեմբեր 2023)։
b Երկրաշարժներու մասին լուրեր, «2023–ին մեծ երկրաշարժներ կ’արձանագրուին» (մայիս 2023)։
c Միացեալ ազգերու կազմակերպութիւն, «Ընդհանուր քարտուղարին բացման խօսքերը կլիմայի խորհրդաժողովի մամլոյ ասուլիսին ընթացքին» (27 յուլիս 2023)։
d World Food Programme, «Համաշխարհային ուտելիքի պակաս»։
e Առողջապահութեան համաշխարհային կազմակերպութիւն, «Համաշխարհային մտային առողջութեան օր (2023)» (10 հոկտեմբեր 2023)։