Չարչարանք / Մեր չարչարանքին համար Աստուա՞ծ պէտք է մեղադրենք

Աստուածաշունչին պատասխանը

Աստուածաշունչը կը շեշտէ թէ պատասխանը «Ո՛չ» է։ Եհովա Աստուծոյ նպատակը չէր որ մարդիկ չարչարուէին։ Բայց առաջին զոյգը Աստուծոյ իշխանութեան դէմ ըմբոստացան, երբ ուզեցին որ իրե՛նք որոշեն թէ ի՛նչը բարի է եւ ի՛նչը՝ չար։ Անոնք Աստուծմէ հեռացան եւ ատոր գէշ հետեւանքները կրեցին։

Այսօր, մենք անոնց սխալ ընտրութեան հետեւանքները կը քաշենք։ Բայց ասիկա ըսել չէ որ Աստուա՛ծ պատճառ եղաւ, որ մարդիկ չարչարուին։

Աստուածաշունչը կ’ըսէ. «Չըլլայ թէ մէկը, որ փորձութեան մէջ է, ըսէ. ‘Աստուծմէ կը փորձուիմ’. վասն զի Աստուած չար բաներով չի փորձուիր, ո՛չ ալ ինք մէկը կը փորձէ» (Յակոբոս 1։13)։ Ոեւէ մէկը կրնայ չարչարուիլ. նոյնիսկ անոնք որոնք Աստուծոյ հաճութիւնը ունին։