Ստորանիշ

a Հ.Դ. չորրորդ դարուն, Տերտուղիանոս դաւանեցաւ թէ այն կիները «որոնք դեղերով իրենց մորթը կը շփեն, իրենց այտերը կարմիր կը ներկեն, իրենց աչքերը ցցուն կ’ընեն [սեւ] ծարիրով, Իրեն դէմ կը մեղանչեն»։ Ան նաեւ քննադատեց իրենց մազերը ներկողները։ Սխալ կերպով կիրառելով Մատթէոս 5։36–ի Յիսուսի խօսքերը, Տերտուղիանոս դատապարտեց. «Անոնք Տէրը կը մերժեն ու կ’ըսեն, ‘Ահա, փոխանակ ճերմակ կամ սեւի, [մեր մազերը] դեղին կը ներկենք’»։ Ան աւելցուց. «Կան նոյնիսկ անհատներ որոնք կ’ամըչնան որ ծեր են եւ իրենց ճերմակ մազերը սեւի կը փոխեն»։ Ատիկա Տերտուղիանոսի անձնական կարծիքն էր։ Բայց ինք կը խեղաթիւրէր հարցը, քանի որ իր ամէն պատճառաբանութիւն հիմնած էր անձնական այն տեսակէտին վրայ թէ մարդկային անէծքին պատճառը կիներն են, ուստի անոնք ‘առաջին մեղքին անպատւութեան վրայ Եւայի նման պէտք է ողբալով եւ զղջալով պտըտին’։ Աստուածաշունչը այսպիսի բան մը չ’ըսեր։ Մարդկութեան մեղաւոր ըլլալուն համար Աստուած Ադամը պատասխանատու բռնեց։—Հռովմայեցիս 5։12–14. Ա. Տիմոթէոս 2։13, 14