Ստորանիշ

a Մեկնաբանելով Պօղոսի խօսքը, թէ «սէրը երկայնամիտ է, քաղցր է», Աստուածաշունչի ուսումնական Կորտըն Տ. Ֆի կը գրէ. «Պօղոսի աստուածաբանութեան մէջ անոնք [երկայնմտութիւնն ու քաղցրութիւնը] կը ներկայացնեն մարդկութեան հանդէպ աստուածային վերաբերմունքին երկու կողմերը (համեմատել՝ Հռովմ. 2։4)։ Մէկ կողմէ, ցոյց կը տրուի Աստուծոյ սիրալիր ինքնազսպումը՝ ըմբոստ մարդոց հանդէպ իր բարկութիւնը ետ պահելով. իսկ միւս կողմէ, իր քաղցրութիւնը, իր ողորմութեան հազարապատիկ արտայայտութիւններու մէջ կը տեսնուի։ Ուստի, Պօղոսի սիրոյ նկարագրութիւնը կը սկսի Աստուծոյ այս երկկողմանի նկարագրութեամբ, որ Քրիստոսի միջոցաւ ինքնազսպում եւ քաղցրութիւն ցոյց տուած է աստուածային դատավճիռին արժանի եղողներուն հանդէպ»։