Ստորանիշ

a Երբ Յիսուս վերջին օրերուն նշանին մասին խօսեցաւ, քանի մը առակ պատմեց իր աշակերտներուն։ Հետաքրքրական է որ ան նա՛խ խօսեցաւ «հաւատարիմ ու իմաստուն ծառայ»ին մասին, որ օծեալ եղբայրներու այն պզտիկ խումբն է, որ առաջնորդութիւնը պիտի առնէր (Մատ. 24։45-47)։ Ետքը, ան պատմեց առակներ որոնք կը կիրարկուին բոլոր օծեալներուն (Մատ. 25։1-30)։ Եւ վերջապէս, ան խօսեցաւ երկրային յոյս ունեցողներուն մասին, որոնք Քրիստոսի եղբայրներուն պիտի աջակցէին (Մատ. 25։31-46)։ Նմանապէս, Եզեկիէլի մարգարէութեան արդի կատարումը նա՛խ կը ցուցնէ, թէ ի՛նչ պիտի ըլլար երկնային յոյս ունեցողներուն։ Եւ թէեւ Իսրայէլի տասը–ցեղեան թագաւորութիւնը սովորաբար չի ներկայացներ երկրային յոյս ունեցողները, բայց այս մարգարէութեան նկարագրած միացումը մեզի կը յիշեցնէ՝ երկրային յոյս ունեցողներուն եւ երկնային յոյս ունեցողներուն միջեւ եղած միութիւնը։