• Ինչպէ՞ս կրնանք լաւ որոշումներ առնել
    Կեանքը վայելէ յաւիտեա՛ն. Սուրբ Գիրքի դասընթացք

    • 5. Ուրիշներուն խիղճը յարգէ

      Տարբեր անձեր տարբեր որոշումներ կ’առնեն։ Ինչպէ՞ս կրնանք ուրիշներուն խիղճը յարգել։ Նկատի առ երկու պարագաներ.

      Պարագայ 1. Քոյր մը, որ կը սիրէ դիմայարդարումը (makeup), կը փոխադրուի ժողովքի մը, ուր քոյրերէն շատեր կը նեղանան երբ ուրիշներ կը շպարուին։

      Կարդացէ՛ք Հռովմայեցիս 15։1 եւ Ա. Կորնթացիս 10։23, 24 ու քննարկեցէ՛ք այս հարցումները.

      • Այս համարներուն հիման վրայ, այս քոյրը թերեւս ի՞նչ որոշէ ընել։ Ի՞նչ պիտի ընես, եթէ մէկու մը հետ ես, որուն խիղճը չի ներեր ընել բան մը, որ քու խիղճդ կը ներէ ընել։

      Պարագայ 2. Եղբայր մը գիտէ որ Սուրբ Գիրքը չ’արգիլեր խմիչքի չափաւոր գործածութիւնը, բայց կ’որոշէ բնա՛ւ խմիչք չխմել։ Ան կը հրաւիրուի ընկերային հաւաքոյթի մը, ուր կը տեսնէ որ եղբայրներ խմիչք կը խմեն։

      Կարդացէ՛ք Ժողովող 7։16 եւ Հռովմայեցիս 14։10 ու քննարկեցէ՛ք այս հարցումները.

      • Այս համարներուն հիման վրայ, այս եղբայրը թերեւս ի՞նչ որոշէ ընել։ Ի՞նչ պիտի ընես, եթէ տեսնես որ մէկը կ’ընէ բան մը, որ քու խիղճդ քեզի չի ներեր ընել։

      Ի՞նչ քայլեր լաւ որոշումներու կ’առաջնորդեն

      Կին մը կ’աղօթէ։

      1. Եհովայէն խնդրէ որ քեզի օգնէ որոշելու, թէ ի՛նչ ընես (Յակոբոս 1։5)։

      Նոյն կինը փնտռտուք կ’ընէ, գործածելով Սուրբ Գիրքը, սուրբգրային հրատարակութիւններ եւ համակարգիչ։

      2. Փնտռտուք ըրէ Սուրբ Գիրքին եւ սուրբգրային հրատարակութիւններուն մէջ, գտնելու համար սկզբունքներ, որոնք պարագայիդ կը կիրարկուին։ Նաեւ կրնաս ասոր շուրջ փորձառու քրիստոնեաներու հետ խօսիլ։

      Նոյն կինը կը մտածէ։

      3. Մտածէ՛ թէ որոշումդ ինչպէ՛ս պիտի ազդէ քու խիղճիդ եւ ուրիշներու խիղճին։