6. Եհովայի մարգարէական դէտը ի՞նչ աւետիս տուաւ եւ անիկա ե՛րբ կատարուեցաւ։

⁶ Ասիկա ի՜նչ մեծ յաղթանակ մըն էր սուտ կրօնքին համար։ Սակայն, Բաբելոնի իշխանութիւնը կարճատեւ եղաւ։ Այս դէպքէն շուրջ 200 տարիներ առաջ, Եհովա պատուիրած էր. «Գնա՛, դէտ մը դի՛ր, որ տեսածը պատմէ»։ Այս դէտը ի՞նչ լուր պիտի ծանուցանէր։ «Ինկաւ Բաբելոն, ինկաւ ու անոր աստուածներուն բոլոր արձանները կոտրտեցան ու գետինը նետուեցան»։ (Եսայեայ 21։6, 9) Արդարեւ, Հ.Դ.Ա. 539–ին, մարգարէական յայտարարութիւնը իրականացաւ։ Հզօր Բաբելոնը ինկաւ եւ շատ չանցած Աստուծոյ ուխտեալ ժողովուրդը կրցաւ հայրենիք վերադառնալ։

13. (ա) Եհովայի դէտը ի՞նչ պատգամ ծանուցանեց։ (բ) Ի՞նչպէս կրնայ ըսուիլ թէ Մեծն Բաբելոնը ինկած է։

¹³ Այս դէտը ի՞նչ տեսաւ։ Դարձեալ Եհովայի դէտը՝ իր վկայ դասակարգը՝ ծանուցանեց. «Ինկաւ Բաբելոն, ինկաւ ու անոր աստուածներուն բոլոր արձանները կոտրտեցան ու գետինը նետուեցան»։ (Եսայեայ 21։9) Այս անգամ, Ա. Աշխարհամարտէն ետք, Մեծն Բաբելոնը՝ սուտ կրօնքի համաշխարհային կայսրութիւնն է, որ իր հեղինակութեան բարձր դիրքէն վար ինկաւ։ (Երեմեայ 50։1-3. Յայտնութիւն 14։8) Չենք զարմանար։ Մեծ Պատերազմը՝ ինչպէս կը կոչուէր այն ատեն՝ սկսաւ Քրիստոնեայ Աշխարհի մէջ, երբ երկու կողմերու կղերները կրակին վրայ իւղ թափեցին, իրենց մատղաշ երիտասարդները քաջալերելով որ պատերազմի դաշտ երթան։ Ի՜նչ անշնորհքութիւն։ 1919–ին, Մեծն Բաբելոնը չկրցաւ Աստուածաշունչի Աշակերտները՝ ինչպէս կը կոչուէին Եհովայի Վկաները այն ժամանակ՝ ետ պահել իրենց անգործունեայ վիճակէն փախչելէ եւ ցարդ շարունակուող համաշխարհային վկայութեան արշաւին ձեռնարկելէ։ (Մատթէոս 24։14) Անիկա Մեծն Բաբելոնի անկումը նշեց, ճիշդ ինչպէս որ Հ.Դ.Ա. վեցերորդ դարուն Հրեաներուն ազատագրումը կը նշէր թէ վաղեմի Բաբելոնը ինկած էր։