7. Աստուծոյ Թագաւորութեան օրէնքները շա՜տ աւելի լաւ են

Կառավարութիւնները օրէնքներ կը դնեն, որոնք իրենց հպատակներուն օգտակար կ’ըլլան եւ զիրենք կը պաշտպանեն։ Աստուծոյ Թագաւորութիւնն ալ օրէնքներ ունի, եւ իր հպատակները անոնց պէտք է հնազանդին։ Կարդացէ՛ք Ա. Կորնթացիս 6։9-11 եւ քննարկեցէ՛ք այս հարցումները.

• Քու կարծիքովդ, աշխարհը ինչպէ՞ս պիտի ըլլայ, երբ ամէն մարդ հետեւի վարուելակերպի նկատմամբ Աստուծոյ օրէնքներունa։

• Կը կարծե՞ս որ տրամաբանական է, որ Եհովան Թագաւորութեան հպատակներէն պահանջէ այդ օրէնքները յարգել։ Ինչո՞ւ։

• Ի՞նչ բան ցոյց կու տայ թէ մարդիկ, որոնք այդ օրէնքներուն չեն հնազանդիր, կրնա՛ն փոխուիլ (տե՛ս համար 11)։

Շատ մը մարդիկ հանգիստ չեն զգար սեռային յարաբերութեան մասին խօսելու։ Սակայն Սուրբ Գիրքը սեռային յարաբերութեան մասին բացէ ի բաց կը խօսի, բայց՝ յարգանքով։ Ատոր ըսածը մեր օգուտին համար է։ Ասիկա տրամաբանական է, քանի որ ի վերջոյ Եհովան մեր Ստեղծիչն է եւ գիտէ թէ մեզի համար լաւագոյնը ի՛նչ է։ Ան մեզի ցոյց կու տայ, թէ մեր արարքները ինչպէ՛ս կրնան զինք հաճեցնել եւ թէ ի՛նչ բան մեզի պիտի օգնէ, որ կեանքը վայելենք յաւիտեան։

1. Եհովան սեռային յարաբերութիւնը ինչպէ՞ս կը նկատէ

Սեռային յարաբերութիւնը նուէր մըն է Եհովայէն։ Ան կ’ուզէ որ սեռային յարաբերութիւնը ուրախութիւն բերէ տղամարդու մը եւ կնոջ մը, որոնք իրարու հետ ամուսնացած են։ Այս նուէրը ոչ միայն կարելի կը դարձնէ, որ զոյգը զաւակներ ունենան, հապա նաեւ իրարու հանդէպ իրենց սէրն ու գուրգուրանքը արտայայտեն բնական եւ հաճելի կերպով մը։ Անոր համար, Սուրբ Գիրքը կ’ըսէ. «Քու երիտասարդութեանդ կնոջը հետ ուրախ եղիր» (Առակաց 5։18, 19)։ Եհովան կ’ակնկալէ որ ամուսնացած քրիստոնեաները հաւատարիմ ըլլան իրենց կողակիցներուն եւ ուրիշ ոեւէ մէկու մը հետ սեռային յարաբերութիւն չունենան (կարդա՛ Եբրայեցիս 13։4)։

2. Ի՞նչ է սեռային անբարոյութիւնը

Սուրբ Գիրքը կ’ըսէ, որ ‘պոռնիկները. . . Աստուծոյ թագաւորութիւնը պիտի չժառանգեն’ (Ա. Կորնթացիս 6։9, 10)։ Սուրբ Գիրքը գրող անհատներէն անոնք, որոնք յունարէնով գրեցին, սեռային անբարոյութեան համար գործածեցին բոռնէա բառը։ Այդ բառը կը գործածուի՝ 1) իրարու հետ չամուսնացած անհատներու միջեւ սեռային յարաբերութեան նկատմամբa, 2) միասեռականութեան նկատմամբ, եւ 3) մարդու եւ անասունի միջեւ սեռային յարաբերութեան նկատմամբ։ Եհովան կը հաճեցնենք եւ մենք ալ կ’օգտուինք, երբ ‘պոռնկութենէ ետ կը կենանք’ (Ա. Թեսաղոնիկեցիս 4։3)։

ԱՒԵԼԻ՛ ՊՐՊՏԷ

3. Սեռային անբարոյութենէն փախի՛ր

Հաւատարիմ Յովսէփը մերժեց կին մը, որ ուզեց իրեն հետ սեռային յարաբերութիւն ունենալ։ Կարդացէ՛ք Ծննդոց 39։1-12 եւ քննարկեցէ՛ք այս հարցումները.

• Յովսէփ ի՞նչ պատճառով փախաւ (տե՛ս համար 9)։

• Քու կարծիքովդ, Յովսէփ ճի՞շդ որոշումը առաւ։ Ինչո՞ւ այդպէս կ’ըսես։

ՎԻՏԷՕ. Անբարոյութենէ փախի՛ր (5։06)

Եհովան կ’ուզէ որ բոլորս հեռու մնանք անբարոյութենէն։ Կարդացէ՛ք Ա. Կորնթացիս 6։18 եւ քննարկեցէ՛ք այս հարցումները.

• Մէկը ի՞նչ պայմաններու տակ կրնայ փորձուիլ սեռային անբարոյութիւն ընելու։

• Ինչպէ՞ս կրնաս անբարոյութենէն փախչիլ։

4. Կրնա՛ս փորձութեան դէմ դնել

ՎԻՏԷՕ. Սուրբ Գիրքը կարդալով փորձութեան դէմ դիր (3։02)

• Վիտէոյին մէջ, եղբայրը ի՞նչ ըրաւ երբ անդրադարձաւ, որ իր մտքերն ու արարքները կրնային պատճառ ըլլալ, որ իր կնոջ անհաւատարիմ ըլլար։

Նոյնիսկ հաւատարիմ քրիստոնեաներու համար ատեններ դժուար կ’ըլլայ իրենց մտքերը մաքուր պահել։ Ի՞նչ կրնաս ընել, որպէսզի անբարոյ բաներու մասին շարունակ չմտածես։ Կարդացէ՛ք Փիլիպպեցիս 4։8 եւ քննարկեցէ՛ք այս հարցումները.

• Ի՞նչ տեսակ բաներու մասին պէտք է մտածենք։

• Սուրբ Գիրքը կարդալը եւ Եհովայի ծառայութեան մէջ զբաղած մնալը ինչպէ՞ս մեզի կ’օգնեն, որ մեղք գործելու փորձութեան դէմ դնենք։

5. Եհովայի չափանիշները մեզի համար օգտակար են

ՎԻՏԷՕ. Պակասամիտ մի՛ ըլլար (9։32)

• Երիտասարդը ինչպէ՞ս փորձութեան մէջ ինկաւ (տե՛ս Առակաց 7։8, 9)։

• Առակաց 7։23, 26–ի համաձայն, սեռային անբարոյութիւնը կրնայ լուրջ խնդիրներու դուռ բանալ։ Եթէ բարոյապէս մաքուր մնանք, ի՞նչ խնդիրներէ կրնանք հեռու մնալ։

• Բարոյական մաքրութիւնը ինչպէ՞ս կրնայ մեզի օգնել, որ կեանքը վայելենք յաւիտեան։

Ոմանք կը մտածեն, որ միասեռականութեան մասին Սուրբ Գիրքին ըսածները խիստ են։ Բայց Եհովան՝ սիրոյ Աստուածը, կ’ուզէ որ ամէն մարդ կեանքը վայելէ յաւիտեան։ Յաւիտեան ապրելու համար, պէտք է իր չափանիշներուն համաձայն վարուինք։ Կարդացէ՛ք Ա. Կորնթացիս 6։9-11 եւ քննարկեցէ՛ք այս հարցումը.

• Աստուծոյ աչքին միա՞յն միասեռական ցանկութիւնները սխալ են։

Աստուած հաճեցնելու համար, բոլորս պէտք է փոփոխութիւններ ընենք։ Կ’արժէ՞ ջանք թափել։ Կարդացէ՛ք Սաղմոս 19։8, 11 եւ քննարկեցէ՛ք այս հարցումները.

• Քու կարծիքովդ, բարոյականութեան նկատմամբ Եհովայի պահանջները տրամաբանակա՞ն են։ Ինչո՞ւ այդպէս կ’ըսես։

ԱՄՓՈՓՈՒՄ

Սեռային յարաբերութիւնը Եհովայի կողմէ նուէր մըն է ամուսնացած զոյգին։

Վերաքաղ

• Ի՞նչ բաներ ընելը սեռային անբարոյութիւն կը սեպուի։

• Ի՞նչ բան մեզի պիտի օգնէ, որ սեռային անբարոյութենէն հեռու մնանք։

• Ինչպէ՞ս կ’օգտուինք, երբ Եհովայի բարոյական չափանիշներուն համաձայն կ’ապրինք։

ԱՒԵԼԻ՛Ն ԳԻՏՑԻՐ

Նկատի առ թէ ինչո՛ւ Աստուծոյ համար կարեւոր է որ տղամարդ մը եւ կին մը, որոնք իրարու հետ կ’ապրին, ամուսնանան։

«Աստուածաշունչը ի՞նչ կ’ըսէ առանց ամուսնանալու միասին ապրելու մասին» (յօդուած՝ մեր կայքին վրայ)

Աստուածաշունչը կը սորվեցնէ, որ միասեռական վարքը սխալ է։ Բայց ասիկա կը նշանակէ՞ որ պէտք է միասեռականները ատենք։

«Միասեռականութիւնը սխա՞լ է» (յօդուած՝ մեր կայքին վրայ)

Տե՛ս թէ ինչպէ՛ս սեռային արարքներուն վերաբերեալ Աստուծոյ օրէնքները մեզ կը պաշտպանեն։

«Բերանային սեռը իրապէս սեռային յարաբերութի՞ւն է» (յօդուած՝ մեր կայքին վրայ)

«Ինծի հետ արժանապատուութեամբ վարուեցան» յօդուածին մէջ, տե՛ս թէ ի՛նչ բան պատճառ դարձաւ որ միասեռական մը իր ապրելակերպը փոխէ, որպէսզի Աստուած հաճեցնէ։

«Աստուածաշունչը կեանքեր կը փոխէ» (յօդուած՝ Դիտարան–ին մէջ)

Թէեւ Եհովան շատ կը սիրես եւ ամէն ջանք կ’ընես որ չընես բաներ, որոնք զինք կը նեղացնեն, պիտի պատահի որ մեղքեր գործես։ Բայց կարգ մը մեղքեր ուրիշ մեղքերէ աւելի լուրջ են (Ա. Կորնթացիս 6։9, 10)։ Եթէ լուրջ մեղք մը գործես, յիշէ որ Եհովան տակաւին քեզ կը սիրէ ու պատրաստ է քեզի ներելու եւ օգնելու։

1. Ի՞նչ պէտք է ընենք, որ Եհովան մեզի ներէ

Երբ մէկը, որ Եհովան կը սիրէ, լուրջ մեղք մը գործէ, մե՜ծ ցաւ կը զգայ։ Բայց ան կը մխիթարուի ան խոստումով, որ Եհովան իր ժողովուրդին տուաւ. «Եթէ ձեր մեղքերը կրկնակի կարմիրի պէս են, ձիւնի պէս պիտի ճերմկնան» (Եսայի 1։18)։ Եթէ անկեղծօրէն զղջանք, Եհովան լման կերպով մեզի կը ներէ։ Ինչպէ՞ս կը զղջանք։ Մեր ըրածին համար խորապէս կը նեղուինք, մեղք գործելէն ետ կը կենանք եւ Եհովային կ’աղաչենք, որ մեզի ներէ։ Ետքը, ծանր կ’աշխատինք որ փոխենք այն սխալ մտածելակերպը կամ սովորութիւնը, որ պատճառ եղաւ որ մեղք գործենք, եւ ջանք կ’ընենք որ Եհովայի չափանիշներուն համաձայն ապրինք (կարդա՛ Եսայի 55։6, 7)։

2. Եհովան ինչպէ՞ս երէցները կը գործածէ մեզի օգնելու, երբ մեղք կը գործենք

Եթէ լուրջ մեղք մը գործենք, Եհովան մեզի կ’ըսէ, որ ‘երէցները կանչենք’ (կարդա՛ Յակոբոս 5։14, 15)։ Այս երէցները Եհովան եւ իր ոչխարները կը սիրեն։ Անոնք մարզուած են մեզի օգնելու, որ կարենանք Եհովայի հետ դարձեալ լաւ փոխյարաբերութիւն ունենալ (Գաղատացիս 6։1)։

Երէցները ինչպէ՞ս մեզի կ’օգնեն։ Երկու կամ երեք երէցներ մեզ պիտի սրբագրեն՝ Սուրբ Գիրքէն խրատներ տալով։ Անոնք նաեւ պիտի տան առաջարկներ եւ ուղղութիւններ, մեզի օգնելու որ նոյն մեղքը նորէն չգործենք։ Եթէ անհատ մը, որ լուրջ մեղք գործած է, չի զղջար, երէցները զինք ժողովքէն կը հեռացնեն, որպէսզի ժողովքին մէջ ուրիշները իրմէ չազդուին։

ԱՒԵԼԻ՛ ՊՐՊՏԷ

3. Խոստովանիլը կ’օգնէ մեզի, որ բուժուինք

Որեւէ մեղք որ կը գործենք, Եհովան կը վիրաւորէ։ Ուստի տեղին է, որ մեր մեղքը իրեն խոստովանինք։ Կարդացէ՛ք Սաղմոս 32։1-5 եւ քննարկեցէ՛ք այս հարցումը.

• Ինչո՞ւ լաւ է, որ մեր մեղքը Եհովային խոստովանինք, փոխանակ զայն պահելու։

ՎԻՏԷՕ. «Տէրը իր սիրածը կը խրատէ» (3։01)

• Վիտէոյին մէջ, երէցները ինչպէ՞ս Քենընին օգնեցին, որ Եհովային վերադառնայ։

Պէտք է երէցներուն հետ անկեղծօրէն եւ բացէ ի բաց խօսինք, քանի որ անոնք կ’ուզե՛ն մեզի օգնել։ Կարդացէ՛ք Յակոբոս 5։16 եւ քննարկեցէ՛ք այս հարցումը.

• Ինչո՞ւ երէցներուն համար աւելի դիւրին կ’ըլլայ որ մեզի օգնեն, երբ իրենց հետ անկեղծ կ’ըլլանք։

4. Եհովան ողորմութիւն ցոյց կու տայ մեղաւորներուն

Եթէ անհատ մը, որ լուրջ մեղք մը գործած է, կը մերժէ Եհովայի չափանիշներուն հետեւիլ, ան ժողովքէն կը հեռացուի եւ անոր հետ չենք ընկերակցիր։ Կարդացէ՛ք Ա. Կորնթացիս 5։6, 11 ու քննարկեցէ՛ք այս հարցումը.

• Ճիշդ ինչպէս որ թթխմորը նոր շաղուած ամբողջ խմորը կը թթուեցնէ, չզղջացող մեղաւորին հետ ընկերակցիլը ինչպէ՞ս կրնայ ազդել ժողովքին։

• Մեղաւորներուն հետ Եհովային վարուած կերպը ինչպէ՞ս ցոյց կու տայ, թէ ան արդար ու սիրալիր է եւ ողորմութիւն կը ցուցնէ։

5. Եհովան մեզի կը ներէ, երբ կը զղջանք

Յիսուս առակ մը պատմեց, որ մեզի կ’օգնէ հասկնալու, թէ Եհովան ի՛նչ կը զգայ, երբ մէկը կը զղջայ։ Կարդացէ՛ք Ղուկաս 15։1-7 եւ քննարկեցէ՛ք այս հարցումը.

• Ասիկա քեզի ի՞նչ կը սորվեցնէ Եհովայի մասին։

Կարդացէ՛ք Եզեկիէլ 33։11 եւ քննարկեցէ՛ք այս հարցումը.

• Ի՞նչ բան կարեւոր է որ ընենք, փաստելու համար թէ իրապէս զղջացած ենք։

ԱՄՓՈՓՈՒՄ

Եթէ լուրջ մեղք մը գործենք, բայց անկեղծօրէն զղջանք եւ որոշենք այդ մեղքը նորէն չգործել, Եհովան մեզի պիտի ներէ։

Վերաքաղ

• Ինչո՞ւ լաւ է որ մեր մեղքը Եհովային խոստովանինք։

• Ի՞նչ պէտք է ընենք, որ Եհովան մեր մեղքը ներէ։

• Եթէ լուրջ մեղք մը գործենք, ինչո՞ւ պէտք է երէցներէն օգնութիւն խնդրենք։

ԱՒԵԼԻ՛Ն ԳԻՏՑԻՐ

Տե՛ս թէ տղամարդ մը ինչպէ՛ս զգաց Եհովայի ողորմութիւնը, որ նկարագրուած է Եսայի 1։18–ին մէջ։

Կասկած մի՛ ունենար որ Եհովան կ’ողորմի (5։02)

Երէցները ինչպէ՞ս կը փորձեն օգնել լուրջ մեղք գործողի մը։

«Երէցները սիրով եւ ողորմութեամբ կը վարուին յանցագործներուն հետ» (Դիտարան օգոստոս 2024)

Նկատի առ թէ ինչպէ՛ս սէր ու ողորմութիւն ցոյց կը տրուի չզղջացած մեղաւորներուն հանդէպ։

«Երէցները ինչպէ՞ս կրնան օգնել ժողովքէն հեռացուած անձերուն» (Դիտարան օգոստոս 2024)

«Պէտք էր Եհովային վերադառնայի» յօդուածին մէջ, տե՛ս թէ տղամարդ մը, որ ճշմարտութենէն հեռացաւ, ինչո՛ւ զգաց որ Եհովան զինք ետ իրեն քաշեց։

«Աստուածաշունչը կեանքեր կը փոխէ» (յօդուած՝ Դիտարան–ին մէջ)