• Մի՛ զատէք ինչ որ Աստուած իրարու միացուցած է
    Դիտարան 2007 | Մայիս 1

    • 14. Հպատակելու վերաբերեալ աստուածաշնչական սկզբունքը ինչո՞ւ չի նուաստացներ կիները։

      14 Նկատէ թէ Պօղոս հնազանդութիւնն ու յարգանքը ընդգծեց։ Կնոջ ըսուած է որ իր ամուսինին ենթարկուի։ Ասիկա Աստուծոյ կարգադրութեան հետ ներդաշնակ է։ Երկնքի մէջ ու երկրի վրայ ամէն արարած մէկու մը կը հպատակի։ Նոյնիսկ Յիսուս Եհովա Աստուծոյ կը հնազանդի։ (Ա. Կորնթացիս 11։3) Անշուշտ, իր գլխաւորութիւնը պատշաճօրէն ի գործ դնող ամուսինը, իր կնոջ պիտի դիւրացնէ որ հնազանդ մնայ։

      15. Աստուածաշունչին մէջ կիներուն ի՞նչ կարգ մը խրատներ տրուած են։

      15 Պօղոս նաեւ ըսաւ թէ կինը պէտք է «իր այրէն ակնածի»։ Քրիստոնեայ կինը «հեզ ու հանդարտ հոգի» մը պէտք է ցուցաբերէ, եւ ո՛չ թէ յոխորտօրէն իր ամուսնոյն գլխաւորութեան ասպարէզ կարդայ կամ ինքնագլուխ ընթացք մը որդեգրէ։ (Ա. Պետրոս 3։4) Բարեպաշտ կին մը իր ընտանիքին ի նպաստ ծանր կ’աշխատի եւ իր գլուխին պատիւ կը բերէ։ (Տիտոս 2։4, 5) Ան պիտի ջանայ իր ամուսնոյն մասին լաւ խօսիլ եւ ո՛չ մէկ բան ընել որ կրնայ պատճառ ըլլալ որ ուրիշներ իր ամուսինը չյարգեն։ Ան նաեւ ծանր պիտի աշխատի՝ իր ամուսնոյն որոշումները յաջողեցնելու համար։—Առակաց 14։1