Երեխաները Աստուծմէ վստահուած գանձեր են

1. Սիրելի երեխաները

անգին պարգեւներ են, ո՛վ ծնողներ.

Եհովան ձեզի վստահած է,

որ ձեր զաւակը դուք կրթէք։

Ձեր այս գանձը Եհովայէն է՝

կեանքի, սիրոյ ճշմարիտ Աղբիւրէն։

Ան ձեզ կ’ուղղէ եւ կ’առաջնորդէ,

որ միշտ գործէք իմաստունօրէն։

2. Թող որ միշտ սրտիդ մէջ ըլլան

Աստուծոյ պատուիրած խօսքերը սուրբ։

Կրկին անգամ զանոնք սորվեցուր

քեզի վստահուած գանձերուդ։

Երբ կը քալես ու երբ կը պառկիս,

երբ կ’արթննաս, ատոնց մասին խօսիր։

Յետագային՝ թող անոնք յիշեն,

ըլլան հաւատարիմ, օրհնուին։