ԴԱՍ 1
Հետաքրքրական բացում պատրաստել
Գործք 17։22
ԴԱՍԻՆ ՆՊԱՏԱԿԸ։ Պատրաստել բացում մը՝ որ հետաքրքրութիւն կ’արթնցնէ, կը յստակացնէ թէ ինչի մասին պիտի խօսիս եւ ցոյց կու տայ, որ քեզի մտիկ ընողը ինչո՛ւ պէտք է այդ նիւթով հետաքրքրուած ըլլայ։
Ի՛ՆՉ ԿՐՆԱՍ ԸՆԵԼ։
Հետաքրքրութիւն արթնցուր։ Ընտրէ հարցում մը, ժողովրդական խօսք մը, փորձառութիւն մը կամ լուր մը, որ քեզի մտիկ ընողներուն հետաքրքրութիւնը պիտի արթնցնէ։
Յստակացուր թէ ինչի մասին պիտի խօսիս։ Վստահ եղիր որ բացումդ յստակ կը դարձնէ նիւթդ եւ անոր նպատակը։
Ցոյց տուր որ նիւթը ինչո՛ւ կարեւոր է։ Այն ինչ որ պիտի ըսես, քեզի մտիկ ընողներուն կարիքներուն համաձայն թող ըլլայ։ Անոնք պէտք է յստակ կերպով հասկնան, որ ինչպէ՛ս կրնան օգտուիլ նիւթէն։