ԴԱՍ 3
Հարցումներ գործածել
Մատթէոս 16։13-16
ԴԱՍԻՆ ՆՊԱՏԱԿԸ։ Փափկանկատ հարցումներ հարցնել՝ քեզի մտիկ ընողին հետաքրքրութիւնը արթնցնելու եւ զինք հետաքրքրուած պահելու, իրեն հետ տրամաբանելու եւ կարեւոր կէտեր շեշտելու համար։
Ի՛ՆՉ ԿՐՆԱՍ ԸՆԵԼ։
Անհատին հետաքրքրութիւնը արթնցուր եւ զինք հետաքրքրուած պահէ։ Միտք գրգռող կամ հետաքրքրութիւն արթնցնող հարցումներ հարցուր։
Նիւթի մը շուրջ տրամաբանէ։ Շարք մը հարցումներ հարցուր, որոնք քեզի մտիկ ընողներուն կ’օգնեն, որ տրամաբանական եզրակացութեան հասնին։
Կարեւոր կէտերը շեշտէ։ Հետաքրքրական հարցում մը հարցուր կարեւոր գաղափար մը ներկայացնելու համար։ Կարեւոր կէտի մը մասին խօսելէ ետք կամ ներկայացումդ եզրափակելու ատեն հարցումներ հարցուր՝ վերաքաղի համար։