Anni i Kagian na Biblia?

Sinni onu anni i Demonio?

KAGIAMMU KARI TU i Demonio ay . . .

• Espiritu nga persona

• Simbolo na kinarake ta unag na tolay?

• Resulta na imahinasion na tolay?

I KAGIAN NA BIBLIA

Nakiyuvovug anna ‘sinenta’ na Demonio si Jesus. (Mateo 4:1-4) Yatutta ari tu imahinasion i Demonio, onu simbolo laman na kinarake. Yaya ay marake nga espiritu nga persona.

ANNI PAGA I MAMMUATTAM TA BIBLIA?

• Dati nga anghel i Demonio, ngem ‘arian na vuluvuga nga minanugu ta kurug.’ (Juan 8:44) Minassiri-siri yaya anna narrelbelde ta Dios.

• Narrebelde gapa i tanakuan nga anghel ira kavulu ni Satanas.​—Nepakannammu 12:9.

• Vinulág na Demonio i aru nga totolay tapenu ariadda masingan i keggana.​—2 Corinto 4:4.

Makontrol kari na Diablo i totolay?

KAGIAN NA KARUAN nga ari tu kurug nga egga makontrol na Demonio, ngem ikassing na karuan nga maluganan ira na marake ira nga espiritu. Anni makagim?

I KAGIAN NA BIBLIA

“I mundo ay egga ta pammaguray na Demonio.” (1 Juan 5:19) Daka-dakal i influwensia na Demonio ta totolay, ngem arianna makontrol i kada tolay.

ANNI PAGA I MAMMUATTAM TA BIBLIA?

• Mangiyusa tu pangilloko i Demonio tapenu dumakal i influwensiana.​—2 Corinto 11:14.

• Egga ira tiempo nga makontrol na marakay ira nga espiritu i totolay.​—Mateo 12:22.

• Gukaban na uffun na Dios, mawayyam nga ‘tubangan i Demonio.’​—Santiago 4:7.