Nu Abbing i Nakiyarubang

Nu abbing i nakiyarubang, mawag tu iyavukattam i maganana. Mangipasingan yatun tu respeto ta autoridadda. (Pr 6:20) Nu patallungan ittam na abbing, ariattam nakuan tullung. Nu awan i maganana, manoli tam ngana laman sonu otru uli.

Nu tinedyer ngana i minarubang, mepangngo lagapa nga iyavu tam i maganana. Nu awan ira, awayya tam iyavu nu ipamavulun na maganana nga mangalawa yaya tu sarilina nga pabbibbigan. Nu wan, puede tam yaya iddan tu literatura anna kagian sa i jw.org.

Nu toliattam i tinedyer nga nangipasingan tu interes, iyavu tam nu puede mammammu i maganana. Tiansa tam yatun nga ipakanawag i gakkag tam anna ipasingan nira i mapattalakkan anna mapia nga tabarang ta Biblia para ta familia ira. (Sal 119:86, 138) I pangipasingattam tu respeto anna konsiderasion ta magana ira ay masserbi tu mapia nga pamakurug anna mangiyawa nittam tu oportunidad nga melayyagayya i mapia nga dumug ta familia.​—1Pe 2:12.