“Azzaw Ngà! Dobannà!”

Makasta nga parigan i sigga-paran nga espiritu ni Isaias. Nangipasingan yaya tu pangurug anna insigida nga kiminurag ta pakawagan, maski nu arianna ammu i ngamin nga detalye. (Isa 6:8) Awayyam kari ulian i situasiommu tapenu makapasserbi ka ta lugar nga dakal i pakawagan para ta mallayyagayya ta Pappatulan? (Sal 110:3) Siempre, mawag tu ‘karkulan nu piga i magasto’ nu kuan yatun. (Lu 14:27, 28) Ngem sigga-paran nakuan nga massakrifisio para ta pallayyagayya. (Mt 8:20; Mr 10:28-30) Kagitta na nepasingan ta video nga Moving to Serve Where the Need Is Greater, sossobra paga anne ta nisakrifisio tam i bendision nga malawa tam ta passerbi kani Jehova.

KABALIN NGA MAGIRAW I VIDEO, TABBAGAN I TUMUNUG IRA NGA PAKKIAVU:

• Anni ira i nisakrifisio na familia Williams tapenu makapasserbi ira ta Ecuador?

• Anni ira nga gannug i nikonsiderada ta pappilida nu sitaw masserbi?

• Anni ira nga bendision i nalawada?

• Sitaw i pakalegammu tu aru paga nga informasion nu kayàmu i masserbi ta lugar nga dakal i pakawagan?

PAGURUVOVUGAN DANAW NGA PAKKIAVU TA TUMUNUG NGA PADDAYARAYAW NA FAMILIANU:

• Kunnasi tam mapalawa i ministerio tam bilang familia? (km-TG 8/11 4-6)

• Nu ariattam mawayya masserbi ta lugar nga dakal i pakawagan, anni pano i puede tam meyuffun ta kongregasiottam? (w16.03-TG 23-25)