MATTOLAY NGA CRISTIANO

Uffunan i Ánanu nga Mapeggan tu Matuyag nga Pangurug ta Namaratu

Masingan ta naparatu ira i gloria ni Jehova. (Sal 19:1-4; 139:14) Ngem ituttuddu na mundo na Diablo i mangipepasiran ta Dios nga teoria ira meyannung ta naggafuan na inango. (Ro 1:18-25) Kunnasim nga malillitan danatun nga ideya nga maggamu ta uto anna futu na ánamu? Ta kabbidda paga laman, uffunan ngana ira nga mapeggan tu pangurug ta kegga anna pangikavurung ni Jehova nira. (2Co 10:4, 5; Ef 6:16) Ammuan nu anni i makagida ta magiggigiammuda ta eskuela, anna usan i makoffun paga ira nga tool tapenu madde i futuda.—Pr 20:5; San 1:19.

Tuttudduan na yama i ánana meyannung ta pamaratu; metuttuddu ta eskuela i ebolusion; I Makagi na Karuan nga Kabataan—Pangurug ta Dios

GIRAWAN I VIDEO NGA I MAKAGI NA KARUAN NGA KABATAAN—PANGURUG TA DIOS, KABALINNA, TABBAGAN I TUMUNUG IRA NGA PAKKIAVU:

Anni i gagangay nga kakkagiadda meyannung ta pangurug ta Dios?
Anni i itudduda ta eskuelanu?
Anni i nakakumbinsi nikaw nga kurug si Jehova?
Kunnasim moffunan i tanakuan nga marrason nga pinaratu na Dios i ngamin nga ganna-gannug?