Aru Paga nga Uffun Para ta Familia

EGGA TA BIBLIA I MAPATTALAKKAN NGA GIYA para ta magatawa, magana, anna kabataan ira. Mapakasta na prinsipiona ira i abilidad na tadday nga mannono anna maddesision.—Proverbio 1:1-4.

TABBAGAN PAGA NA BIBLIA I IMPORTANTE IRA NGA PAKKIAVU KAGITTA NA:

Anni i gakkag na pattolay?
Dios kari i makalliwa ta pazziga-riga tam?
Anni i mesimmu nu matay ittam?

Imbitaddakamu nga gigiammuan mismu i Biblia tapenu matabbag danaw nga pakkiavu anna i aru paga. Girawan i video nga Ngatta Gigiammuammu i Biblia? Innan i www.pr418.com/ibg.

Para ta mas aru nga informasion meyannung ta pagatawa anna familia, innan i serye nga “Uffun Para ta Familia” ta jw.org/ibg