“Ilammuyag i Dagun na Kinapia ni Jehova”

Ari tu literal nga dagun “i dagun na kinapia ni Jehova”

61:1, 2

• Yaw i tiempo nga iddan ni Jehova tu oportunidad i minappakalinno ira nga alawatan i pangilammuyagna tu kapalubbang

• Ta ollu siglo, namegafu i dagun na kinapia kustu nigafu ni Jesus i ministeriona turi 29 C.E. anna nangultimo adde ta “aggaw na pangibalo” ni Jehova, kustu nadaral i Jerusalem turi 70 C.E.

• Ta kaggawattam, namegafu i dagun na kinapia kustu nabbalin tu patul ta langi si Jesus turi 1914 anna mangultimo sonu dakal nga ziga

Bebbendisionan ni Jehova i ilina gukaban na “darakal nga kayu na kinatunung”

61:3, 4

• Makkaravvulu nga mattalovu ta kakayuan i kadakallan ira nga kayu ta mundo anna mabbenefisio ira ta kataggi-tadday

• Naggara-galu i gamuda yari tu matuyag anna ari tu basta matomba nu bagiu

• Mangiyawa tu lirung onu sigong i darakal nga kayu ta bagu talovu ira nga kayu, anna pappataba tu davvun i madanna ira nga donna

Mabenefisiowan i ngamin nga miembro na kongregasion Cristiano ta interu mundo ta suporta anna proteksion na “darakal nga kayu na kinatunung,” i nabattang paga ira nga nazelugan