Magayaya ta Iddanamanu

Kagitta na angkla i iddanama. (Heb 6:19) Makoffun yaw tapenu ari nga madaral i espiritualidad tam nu meparubang ittam ta gitta na bagiu ira nga kapurueba. (1Ti 1:18, 19) Kasali taw i pakkadismaya, kapawan na material nga pakkukua, nabayag nga pattaki, patay na ideddukan, onu maski anni nga maka-afekto ta kinamatalo tam.

Megafu ta pangurug anna iddanama, masingattam tu manawag i nepromesa nga bala-balo. (2Co 4:16-18; Heb 11:13, 26, 27) Yari tu ta langi man onu davvun i iddanama tam, mawag tu regular nga patuyaggattam yaw gukaban na pannono tu mapia ta promesa ira ta Uvovug na Dios. Nu meparubang gafu ittam ta kapurueba ira, mas mabi tam nga mapattalupaddian i pagayaya tam.​—1Pe 1:6, 7.

GIRAWAN I VIDEO NGA REJOICE IN THE HOPE, KABALINNA, TABBAGAN I TUMUNUG IRA NGA PAKKIAVU:

• Ngatta makasta nga parigan i ehemplo ni Moises?

• Anni i responsibilidad na ulu ira na familia?

• Anni ira nga topiko i awayyanu nga isali para ta Paddayarayaw na Familia?

• Kunnasi makoffun nikaw i iddanama tapenu marubammu nga sigga-komfiansa i kapurueba ira?

• Anni i i-innaggammu ta mappange?