Lillitan i Peligro na Social Networking

NU NGATTA IMPORTANTE: Kagitta na aru nga rimienta, makoffun onu makadaral i social network ira. Awan tu social network na karuan nga Cristiano. Mangusa gapa i karuan tapenu makumustada i familia anna kokkofudda. Ngem ikaya na Diablo nga ariattam magimmugug ta pangusa ta social network tapenu madaral i reputasion anna espiritualidad tam. Kagitta ni Jesus, mosa tam i prinsipio ira ta Uvovug na Dios tapenu mammuan i peligro ira anna lillitan danatun.​—Lu 4:4, 8, 12.

PELIGRO IRA NGA MAWAG LILLITAN:

• Sossobra nga pangusa ta social media. Makofu ta nabalor nga tiempo tam nga para nakuan ta espiritual ira nga gannug i aru nga oras nga pangusa ta social network ira onu social media

  Prinsipio ira ta Biblia: Ef 5:15, 16; Fil 1:10

• Paningan ta kuestionable nga material. Awayyana marresulta ta pakka-adikto ta pornograpia onu imoralidad i paningan ta makatenta ira nga letratu. Makadaral ta pangurug na tadday i pabbibbig tu material onu blog ira na apostata

  Prinsipio ira ta Biblia: Mt 5:28; Fil 4:8

• Pangi-post tu ari mepangngo nga komento onu letratu. Megafu ta minangngilogo i futu, egga tendensia na tadday nga tolay nga mangi-post tu ari mepangngo nga komento onu letratu ta social network. Ngem makadaral yaw ta reputasion na tadday onu mamakkafi yaw ta pangurug na tanakuan

  Prinsipio ira ta Biblia: Ro 14:13; Ef 4:29

GIRAWAN I VIDEO NGA MAGIMMUGUG TA PANGUSA TU SOCIAL NETWORK, KABALINNA, REPASUAN NU KUNNASI MALILLITAN I TUMUNUG IRA NGA SITUASION: