Mepasingattam i Aya nu Suportattam i Panisiplina ni Jehova

Protektan na paddisfellow i kongregasion anna disiplinanna i ari mabbabbabawi nga nakaliwa. (1Co 5:6, 11) Mepasingattam i aya nu suportattam i kunnatun nga panisiplina ni Jehova. Kunnasi nga pangipasingan tu aya i paddisfellow nu matakitan mabba i kafamilia ira maski paga i hudisial nga komite?

Ollu ta ngamin, mepasingattam i pangaya tam ta reputasion ni Jehova anna ta estandartena ta kinasanto. (1Pe 1:14-16) Mepasingattam gapa i aya tam ta nadisfellow. Maski nu mataki i madammo nga disiplina, malawa gapa na nadisiplina “i vunga na imammo nga maggafu ta matunung nga pattolay.” (Heb 12:5, 6, 11) Kokkontrattam i paddisiplina ni Jehova nu makilallang ittam ta tadday nga nadisfellow onu naddis-associate. Tandaanattam nga disiplinan ni Jehova i totolena ta “mepangngo” nga kadisiplina. (Jer 30:11) Kakayà tam nga manoli ira ta minaggallallo nga Yama tam. Ngem mawag nga itulu-tuloy tam lagapa nga suportan i panisiplina ni Jehova anna i espiritual nga rutina tam.​—Isa 1:16-18; 55:7.

GIRAWAN I VIDEO NGA SIGGA-MATALO ANNA NAPAKATADDAY I FUTU, KABALINNA, TABBAGAN I TUMUNUG IRA NGA PAKKIAVU:

• 

  Ngatta mataka-taki ta Cristiano ira nga magana nu panawan na anada si Jehova?

• 

  Kunnasi nga masuportan na kongregasion i matalo ira nga kafamiliana?

• 

  Anni nga rekord ta Biblia i mangipasingan nga mas importante i kinamatalo kani Jehova anne ta familia?

• 

  Kunnasi tam mepasingan nga mas matalo ittam kani Jehova anne ta familia tam?