Mappabalo Ittam ta Dios Anna Kani Cristo ta Mappange nga Kapalubbang

Anni i problemam ta kadaggaw? Tadday ka kari nga ulu na familia nga aru i obligasionna? Massosolo ka kari nga yama onu yena nga fermi i pattrabahum tapenu masuportammu i familiam? Tadday ka kari nga abbing nga kakkantiawan na kaeskuelam ira? Mataki ka kari onu lakay onu bako ka ngana? Egga i problema na ngamin. Napakaru anna maggiriddang paga lagu i problema na aru nga Cristiano. Ngem ammu tam nga aranni ngana nga mawawwan i ngamin nga problema tam.—2Co 4:16-18.

Ngem sangawe, mabanna-bannayan ittam ta ammu tam nga matindian ni Jehova i ziga-riga tam, tagibaloranna i kinamatalo anna pagattattam tam, anna bendisionanna ittam noka. (Jer 29:11, 12) Ikavurungan gapa ni Jesus i kada tadday nittam. Ta pangituppal tam ta obligasiottam ira nga Cristiano, nipasiguraduna: “Kanayuddà noka nga kavulu.” (Mt 28:20, NW) Nu pannonopattam tu mapia i mappange nga kapalubbang nga iyawa na Pappatulan na Dios, mapasikattam i iddanama tam anna i determinasiottam nga magattattam ta problema ira.—Ro 8:19-21.

GIRAWAN I VIDEO NGA TA MAPPAPANGE NGA BAGIU, PAKATADDAYAMMU I NONO MU KANI JESUS!—BENDISION IRA NA PAPPATULAN TA MAPPANGE, KABALINNA, TABBAGAN I TUMUNUG IRA NGA PAKKIAVU:

• Kunnasi nga nesina i totolay ta Dios, anna anni i resultana?

• Anni i mappange na matalo ira kani Jehova?

• Ngatta nabbalin tu posible yaw nga makakkasta nga mappange?

• Anni ira nga bendision i iiddaggammu ta nepromesa nga napabagu nga mundo?