Makaduffukka Tapenu Mabbalin tu Magayayya i Familia Nu

Ikaya ni Jehova nga mabbalin tu magayayya i familia ira. (Sal 127:3-5; Ec 9:9; 11:9) Ngem awayya na nga mawawattam i pagayayya tam megafu ta problema ira anna ta kamali na kafamilia tam ira. Anni i makua na kada tadday ta nittam tapenu mabbalin tu magayayya i familia tam?

Ikakua na lalaki i atawa na. (1Pe 3:7) Mangiyawa yayya tu tiempo para ta nira ni bako na. Realistiko yayya ta mawayya ni bako na anna appresian na gapa i kukukuan ni bako na para nisa anna ta familia da. (Col 3:15) Kakkagian na kani bako na nga iddeddukan na yayya anna komendan na yayya.—Pr 31:28, 31.

Kanayun nga suportan na babay i atawa na. (Pr 31:12) Makimoray anna makikoopera yayya kani lakay na. (Col 3:18) Masippo yayya nga makibbida ta nisa anna makasta i kakkagian na meyannung kani lakay na.—Pr 31:26.

Iddan na magana ira tu tiempo i ána da tapenu makavulu da ira. (De 6:6, 7) Ikagi da ta ána da nga iddeddukadda ira. (Mt 3:17) Nu disiplinadda ira, ipasingadda i aya anna pakalippawa.—Ef 6:4.

Ikakua anna tuppalan na ána i magana da. (Pr 23:22) Kagiadda ta magana da i nononopadda anna i mataga-tageno da. Alawatadda i paddisiplina na magana da anna irespeto da ira.—Pr 19:20.

GIRAWAN I VIDEO NGA KULTIBAN I PAGAYAYYA TA FAMILIA, KABALIN NA, TABBAGAN I PAKKIAVU:

Anni i kiningngua na kada tadday ta nira tapenu mabbalin tu magayayya i familia da?