Anni i Sikreto na Makapagayayya nga Familia?

I KAGIAN NA BIBLIA

“Magayayya danuri maggigginna ta uvovug na Dios anna mattuppal tatun!”​—Lucas 11:28, New World Translation.

ANNI MEUFFUNNA NU KURUGAMMU

Mapegganka tu napafutu nga aya.​—Efeso 5:28, 29.

Monag nga respetu.​—Efeso 5:33.

Memammo nga pagatawa.​—Marcos 10:6-9.

KURUGATTAM KARI I KAGIAN NA BIBLIA?

Wan, gafu ta dua nga rason:

• Dios i Naggafuan na unnug na familia. Kinagi na Biblia tu si Jehova nga Dios i “paggafuan na ngagan na ngamin nga familia.” (Efeso 3:14, 15, I Bagu nga Pakkasinabban anna Salmo Ira) Kaya na kagian, egga familia gafu ta neunnug na Dios. Ngatta mawag nga mammuammu ya?

  Nonoppammu: Nu nasingngotakka ta makang anna kayamu nga mammuan i rikaduna, sinni i pakkiavutammu? Siempre, yari nallutu.

  Kunne na gapa, tapenu mammuattam i “rekadu” ira na makapagayayya nga familia, ammuattam yatun kani Jehova, i Naggafuan na unnug na familia.​—Genesis 2:18-24.

• Ikavurungan naka na Dios. Pammakapianan na familia nu tuttuladda i tabarang na Dios ta Uvovugna. Ngatta? “Ta yayya i manangngal nikamu.” (1 Pedro 5:6, 7) Siggapanono si Jehova ta pammakapianattam anna kanayung nga fustu i tabarangna!​—Salmo 32:8; 62:8.