Pagallo

I Kingngua ni Jesus

VIDEO: Pinammapia ni Jesus i Vulag nga Lalaki

1.Girawan i VIDEO, onu bibbigan i Juan 9:1-7. Kabalin na, paguruvovugan i tumunug ira nga pakkiavu:

1. Anni i ollu nga kingngua ni Jesus—nilayyagayya na i mapia nga dumug ta lalaki onu pinammapia na labbi?​—Innan i Juan 9:35-38.

2. Megafu taw ta kingngua ni Jesus, ngatta mas nagginna i lalaki ta mapia nga dumug?

Anni i Magigiammu Tam Kani Jesus?

2. Mas nga magginna i tolay ta mensahe tam nu matageno na nga ikavurungattam yayya.

Parigan si Jesus

3. Makipattageno. Nonopammu nu anni i mataga-tageno na tolay.

1. Iyavu mu ta baggim: ‘Anni tamma i pakavurungan na? Anni i makoffun nisa anna paginteresan na?’ Nu kuammu yatun, natural anna napafutuan i pagallo mu.

2. Ipasingammu nga ikavurungammu i tolay gukaban na pagginna nisa. Nu ikagi na i mataga-tageno na ta tadday nga gannug onu ikagi na i problema na, ariammu talianan i topiko.

4. Maguvovug tu masippo anna marespeto. Nu talaga ikallo mu i tolay anna kayà mu yayya nga uffunan, matageno na yatun ta paguvovug mu. Magimmugug ka nakuan ta kagiammu anna nu kunnasim nga ikagi yatun. Ari ka nga mangikagi tu gannug nga makataki nisa.

5. Manguffun. Magaleg tu chansa nga moffunan tu praktikal i tolay. Nu nagangngua ka tu mapia nisa, mas nga maginteres yayya nga makibbida nikaw.