Pakipattageno

I Kingngua ni Jesus

VIDEO: Nikallo ni Jesus i Totolay

1. Girawan i VIDEO, onu bibbigan i Marcos 6:30-34. Kabalin na, paguruvovugan i tumunug ira nga pakkiavu:

1. Ngatta kayà ni Jesus anna na apostoles na i umay ta “lugar nga ira-ira laman”?

2. Anni i namaguyu kani Jesus nga tudduan i totolay?

Anni i Magigiammu Tam Kani Jesus?

2. Nu makipattageno ittam, mepasingattam nga ikavurungattam i totolay, ari laman nga basta ikagi tam i mensahe tam.

Parigan si Jesus

3. Magginna tu mapia. Pagurayammu nga ikagi nikaw na tolay i nononopan, i mataga-tageno, i pakavurungan, onu i gannug ira nga ari na anugutan. Balinammu labbi yayya nga mabbida. Nu kuammu yatun, mepatageno mu nga interesadu ka ta nononopan na.

4. Nonopan i kawagan na interesadu nga tolay. Base ta pakibbidam nisa, iyavu mu ta baggim:

1. ‘Ngatta kawagan nga maginna na i kinakurug?’

2. ‘Kunnasi nga mapakasta na paggigiammu tu Biblia i pattolay na sangawe anna i mappange na?’

5. Paguvovugan nu i gannug nga makoffun nisa. Nu posible, insigida nga idemonstram nu kunnasi nga makoffun i paggigiammu tu Biblia tapenu matabbag i pakkiavu na ira anna makoffun nisa ta praktikal.