Anni i Kagian na Biblia?

Naggafu kari ta Dios i ziga-riga?

Anni makagim?

• Wan

• Ari

• Siguru

I kagian na Biblia

“Imposible para ta kurug nga Dios nga magangngua tu kinamarake, para ta Makapangngua-ta-ngamin nga magangngua tu ari fustu!” (Job 34:10) Ari vuluvuga nga naggafu ta Dios i kinamarakay anna ziga-riga nga masingattam ta mundo.

Anni paga i mammuattam ta Biblia?

• Si Satanas nga Diablo, “i mammaguray toye ta utun na davvun,” i naggafuan na ziga-riga.​—Juan 14:30.

• Maruddu nga resulta na marake ira nga desision na totolay i ziga-riga anna kinamarake.​—Santiago 1:14, 15.

Mawawan paga kari i ziga-riga?

Kurugan na karuan nga makaya na totolay nga alsan i ziga-riga gukaban na padduruffudda, ngem para ta tanakuan, baddi laman i tiansana nga makkasta i kondision na mundo. Anni i makagim?

I kagian na Biblia

Alsan na Dios i ziga-riga. “Awan ngana noka tu matay, onu maraddam, onu tumangi-tangi, onu magattam ta taki.”​—Nepakannammu 21:3, 4.

Anni paga i mammuattam ta Biblia?

• Usan na Dios si Jesus tapenu alsan i ziga-riga megafu ta Diablo.​—1 Juan 3:8.

• Memammo nga mattolay tu mannanayun ta davvun i matunung nga totolay.​—Salmo 37:9-11, 29.