Wawwaragi ta Madagascar nga usu-usadda i brosiur nga Makakkasta nga Balita
Pamarigan nga Presentasion
PASSIFUSIFUTAN
Pakkiavu: Mas makasta kari nga paddianan i mundo nu tuttulan na totolay yaw nga prinsipio?
Teksto: Heb 13:18
Pangipalima: Pagaramman ittam na Biblia nga mabbalin tu mapammakatalakkan ta ngamin nga ganna-gannug. Yari tu afektanna yaw i ngamin nga aspeto na pattoletam. Yatun i topikona yaw nga isyu na Passifusifutan.
ANG BANTAYAN (likug nga pahina)
Pakkiavu: Anni i makagim meyannung taw nga pakkiavu? [Bibbigan i ollu nga pakkiavu.] Mangurug i karuan nga tolay nga nu matay i tadday, egga i mesina ta baggina nga tulu-tuloy nga mattolay. Ngem ta tanakuan, i patay i ultimo na ngamin. Anni i kurugammu?
Teksto: Ec 9:5
Pangipalima: Yaw nga artikulo ipakanawagna tu mapia i kagian na Biblia meyannung taw nga topiko. Kayàmu kari yaw nga bibbigan? Awayyata yaw paguvovugan sonu tumunug.
MAKAKKASTA NGA BALITA NAGGAFU TA DIOS!
Pangipalima: Nakapasiar ngà ta kayàku kagian nikaw i meyannung ta libre nga paggigiammu tu Biblia. Ipasinganna yaw nga brosiur nu sitaw nga malegan ta Bibliam i tabbag ta importante ira nga pakkiavu.
Pakkiavu: Napuruebammu kari ngana nga nabibbig i Biblia? Kunnaw laman kasimple i leksion ira taw nga brosiur. [Gigiammuan i pakkiavu 1 ta leksion 2.]
Teksto: Nep 4:11
MAGANGNGUA KA TU PRESENTASIOMMU
Usan i format ta nakagi nga angngarigan tapenu makakua ka ta sarilim nga presentasion.