Pamarigan nga Presentasion

PASSIFUSIFUTAN

Pakkiavu: Umanugu ka kari nga nu naggafu ta Dios i Biblia, awan tu maski anni nga makadaral taw?

Teksto: Isa 40:8

Pangipalima: Mabibbig taw nga serye na artikulo ira i makapa-interes nga istoria nu kunnasi nattalupaddian i Biblia.

PASSIFUSIFUTAN (likug nga pahina)

Pakkiavu: Kayà ku mammuan i opinionmu taw nga pakkiavu. [Bibbigan i ollu nga pakkiavu ta pahina 32.] Mangurug i karuan nga inimbento laman na tolay i relihion. Nonopan gapa na tanakuan nga usu-usan na Dios i relihion tapenu maparanni tam sa. Anni i makagim?

Teksto: San 1:27

Pangipalima: Ipakanawagna yaw nga artikulo i kagian paga na Biblia taw nga topiko. Magayaya ngà nga manoli anna ipakanawag i piga paga nga punto ta artikulo.

MAKAKKASTA NGA BALITA NAGGAFU TA DIOS!

Pakkiavu: Aru i makkagi nga gitta na pabbibbig tu diario i pabbibbig tu profesiya na Biblia. Anni taw ta neprofesiya ira nga mesimmu i nasingammu onu naginnam ngana?

Teksto: 2Ti 3:1-5

Pangipalima: Iyesplikana yaw nga brosiur nu ngatta makasta nga balita para ta mangaya ira ta Dios yaw ira nga mesimmu. [Ipasingani leksion 1, pakkiavu 2.]

MAGANGNGUA KA TU PRESENTASIOMMU

Parigan i format na sampol nga presentasion ta pagangnguam tu sarilim nga presentasion ta ministerio.