Pamarigan nga Presentasion

GUMISING!

Pakkiavu: Sulit kari i appursigi na totolay nga talianan tu makasta i marake ira nga nakasanayadda?

Teksto: Ec 7:8a

Pangipalima: Mabibbig taw nga artikulo i prinsipio ira ta Biblia nu kunnasi mapakasta na totolay i nakasanayadda ira para ta pammakapianadda.

GUMISING!

Pakkiavu: Ari nga malillitan i panguloli ta pattolay. Anni tamma i kakastan nga makua tam tapenu maarubang yatun?

Teksto: Ec 7:10

Pangipalima: [Ipasingan i artikulo nga mamegafu ta pahina 10.] Mabibbig taw nga artikulo i prinsipio ira ta Biblia nga makoffun nittam tapenu maarubang i panguloli.

MAGGINNA KA TA DIOS TAPENU MATTOLAY KA TU MANNANAYUN

Pakkiavu: Egga i ngagattam ngamin, maski i kafamilia anna kokkofuttam. I Dios ngay, anni tamma i ngaganna?

Teksto: Sal 83:18, NW

Pangipalima: Ipakanawagna yaw nga brosiur i aru paga nga ituttuddu na Biblia meyannung ta Dios. [Ipasingan i pahina 6 anna 7.]

MAGANGNGUA KA TU PRESENTASIOMMU

Parigan i format na sampol nga presentasion ta pagangnguam tu sarilim nga presentasion ta ministerio.