Sikamu nga Magana, Tudduannu i Ánanu

Para ta aru nga totolay ta mundo, mapia i marake anna marake i mapia. (Isa 5:20) Kaddaraddam ta kukukuan na karuan nga totolay i manaki ni Jehova, nelagum ngana i ari mepappangngo nga kukukuan na makkasekso ira. I iddeddu tam ira nga ána tam ay awayyana nga influwensian na kaeskuelada ira onu na tanakuan. Kunnasim meprepara i ána mu tapenu ammuda i kuadda ta kunnaw ira nga situasion?

Ituddum ta ána mu i estandarte ira ni Jehova. (Le 18:3) Sisinu nga tudduammu ira ta kakkagian na Biblia meyannung ta sex. Tudduammu ira depende ta edadda anna ta matindiadda. (De 6:7) Iyavu mu ta baggim: ‘Nituddù ngana kari ta ána ku nu anni i mepangngo laman nga pangipasingan tu pisikal nga pakiddukko, i importansia na mepangngo nga assissinnun, anna nu ngatta mawag nga irespeto na tanakuan i privacy da? Ammu kari na ána ku i kuadda nu egga mangipasingan nira tu pornograpia onu ipakuada nira i gannug nga marake kani Jehova?’ Malillitadda i aru nga problema nu natudduan ira. (Pr 27:12; Ec 7:12) Nu tudduammu i ána mu, mepasingammu nga iddeddukammu ira bilang regalu ni Jehova.—Sal 127:3.

GIRAWAN I VIDEO NGA MAMATADDAG TU BALAY NGA MATUYAG—IMMUGURAN I ÁNANU TA “MARAKAY,” KABALINNA, TABBAGAN I TUMUNUG IRA NGA PAKKIAVU:

• 

  Ngatta magalangan i karuan nga tudduan i ánada meyannung ta sex?

• 

  Ngatta mawag nga ituddu na magana ira ta ánada i “tuddu anna tabarang” ni Jehova?—Ef 6:4

• 

  Anni ira i probision na organisasion ni Jehova tapenu maduffunan i magana ira ta panuddu ta ánada meyannung ta sex?—w19.05 12, kahon

• Ngatta regular nakuan i pakikomunikam ta ána mu nige paga ira nga makkaproblema?