Usammu i Magayayya nga Mattolay tu Mannanayun! ta Ministeriom

Kakayà tam ngana nga usan i bagu nga brosiur anna libru ta pangikondukta tu Bible study! Ipakimallo tam kani Jehova nga bendisionan na i pagangngua tam tu aru paga nga disipulos. (Mt 28:18-20; 1Co 3:6-9) Kunnasi tam nga usan i bagu ira nga rimienta?

Megafu ta bagu i istilo na pangituddu tam ta Magayayya nga Mattolay tu Mannanayun!, tuttulammu danaw ira ta pangipreparam anna pangikonduktam tu Bible study.a

• Bibbigan i material, anna paguvovugan i pakkiavu ira

• Bibbigan i mepabibbig ira nga teksto, anna duffunan i Bible study nga malippawa na i kayà na kagian

• Ipagiraw anna paguvovugan i video ira, anna iyavu i pakkiavu ira

• Ikaguman nga mabalin i tadday nga leksion ta kada pab-Bible study

Ta ministerio, ipalimam labbi i brosiur tapenu mammuammu nu talaga interesadu i tolay. (Innan i kahon nga “Nu Kunnasi Ipalima i Brosiur nga Magayayya nga Mattolay tu Mannanayun! ta Gafu nga Pallayyagayya.”) Nu nabalin nu ngana nga gigiammuan i brosiur anna kayà paga na Bible study nga ituloy, igafu nu ta leksion 04 na libru. Nu usu-usammu ngana ta pab-Bible study i libru nga Ituddu na Biblia onu i libru nga Mattalupaddian ta Aya na Dios, iyali mu ta libru nga Magayayya nga Mattolay tu Mannanayun! anna innammu nu sitaw mu nga igafu.

GIRAWAN I VIDEO NGA MAGAYAYYA KA TA PAGGIGIAMMUM TU BIBLIA, KABALIN NA, TABBAGAN I TUMUNUG IRA NGA PAKKIAVU:

• Anni i magigiammu na Bible study ira ta bagu nga libru?

• Ngatta ipagiraw mu nakuan yaw nga video ta bagu ira nga Bible study?

• Anni ira nga goal i sisinu nga ipagaram mu ta Bible studym nga purueban na nga kuan?​—Innan i chart nga “I Magigiammu Anna Goal ta Kada Seksion”