Alawatan i Uffun ni Jehova Gukaban na Pakimallo

Si Jehova i mamattalovu ta bini na kinakurug ta futu na tolay. (1Co 3:6-9) Mattalo ittam gafu kani Jehova nga duffunan na ittam anna i Bible study tam tapenu makasta i pattuppalan na ministerio tam.

Ipakimallo mu kani Jehova nga duffunan na i Bible studym tapenu maattamman na i pamipilit anna marubang na i mariga ira nga situasion. (Fil 1:9, 10) Mabbalin tu espesipiko. Ipakimallo i masanto nga espiritu nga mangigiya ta nono anna kukukuammu. (Lu 11:13) Tudduammu i Bible studym nu kunnasi i makimallo. Pagarammammu gapa yayya nga makimallo. Kagiammu i ngagan na nu makimallo ka kavulu na anna nu ipakimallo mu yayya.

GIRAWAN I VIDEO NGA MAGAYAYYA TA PANGNGUA TU DISIPULOS—ALAWATAN I UFFUN NI JEHOVA—PAKIMALLO, KABALIN NA, TABBAGAN I TUMUNUG IRA NGA PAKKIAVU:

• Anni i naobserba ni Neeta nga problema ta pagistudy da ni Jade?

• Kunnasi nga nakaduffun kani Neeta i 1 Corinto 3:6?

• Kunnasi nga nasolba i problema nga naobserba ni Neeta?