Duffunammu i Bible Studym nga Iyemmang i Maritta ira nga Bisiu

Danuri laman marenu ta moral i awayya na nga maddukko kani Jehova. (1Pe 1:14-16) Nu maffu na Bible studym ira i marake ira nga bisiu, mabbalin tu magayayya i familia da, makkasta i gawa-gawayyadda, anna mapakarianan i problema da ta finansial.

Iyesplikam tu mapia i estandarte ira ni Jehova ta moral, nu ngatta niyawa na yatun, anna i benefisio na pattuppal tatun. Duffunammu ira nga ulian i appana-panono da tapenu meyemmang da i marake nga kukukuadda. (Ef 4:22-24) Ipasiguradum ta nira nga ta uffun ni Jehova, maffu da i marake nga bisiu maski paga nabayag da ngana nga bisiu yatun. (Fil 4:13) Tudduammu ira nga makimemallo kani Jehova nu matenta ira. Uffunammu ira nga masingan i makatenta ira nga situasion nga mawag nga lillitadda. Pagarammammu ira nga talianan i maritta ira nga bisiu da tu aktibidad ira nga pammakapianadda. Magayayya ka nu masingammu nga manguli i Bible studym ira ta uffun ni Jehova.

GIRAWAN I VIDEO NGA UFFUNAN I ESTUDIANTEM TA BIBLIA NGA IYEMMANG I MARITTA IRA NGA BISIU, KABALIN NA, TABBAGAN I TUMUNUG IRA NGA PAKKIAVU:

• 

  Kunnasi nga nipasingan na elder ira anna ni Neeta nga makkomfiansa ira kani Jade?

• 

  Kunnasi paga nga zinuffunan ni Neeta si Jade?

• 

  Kunnasi nga nappaduffun si Jade kani Jehova?