Duffunammu i Bible Studym nga Mapeggan tu Personal nga Relasion Kani Jehova

Ikaya ni Jehova nga passerbiattam yayya megafu ta aya tam ta nisa. (Mt 22:37, 38) I aya ta Dios i mangiyawa tu sikan ta Bible study ira nga manguli anna itaddaggadda i pangurug da maski ta kapurueba ira. (1Jn 5:3) I aya da ta Dios i mamaguyu ta nira nga mappabawtiso.

Uffunammu i Bible studym ira tapenu masingadda nga ayatan ira na Dios. Iyavutammu ta nira: “Anni i nagigiammum taw meyannung kani Jehova?” onu “Kunnasim nga nasingan taw nga ayatan naka na Dios?” Duffunammu ira tapenu masingadda i panguffun ni Jehova ta nira mismu. (2Cr 16:9) Istoriammu ta nira nu kunnasi nga tinabbag ni Jehova i espesipiko ira nga pakimallo mu. Pagarammammu gapa ira nga sifutadda nu kunnasi nga tattabbagan ni Jehova i pakimallo da ira. Magayayya ittam nu masingattam i Bible study tam ira nga matageno da nga ayatan ira ni Jehova anna iddeddukadda gapa yayya.

GIRAWAN I VIDEO NGA UFFUNAN I ESTUDIANTEM TA BIBLIA NGA MAPEGGAN TU PERSONAL NGA RELASION KANI JEHOVA, KABALIN NA, TABBAGAN I TUMUNUG IRA NGA PAKKIAVU:

• 

  Anni i mariga nga situasion ni Jade?

• 

  Kunnasi yayya nga dinuffunan ni Neeta?

• 

  Kunnasi nga narubang ni Jade i mariga nga situasion na?