Tudduammu i Bible Studym nga Pakanan Na i Baggi Na ta Espiritual

Tapenu mammammu na Bible study ira si Jehova anna mammanakam ira ta espiritual, mawag nga gigiammuadda ari laman i kinakurug ira nga ituttuddu tam nira. (Mt 5:3, NW; Heb 5:12–6:2) Mawag nga gigiammuadda gapa nga pakanan i baggi da ta espiritual.

Ta gafu paga laman, pagarammammu ngana i Bible studym ira nga mapprepara para ta Bible study nu, anna tudduammu ira nu kunnasi. (mwb18.03 6) Pagaramman ira nga makimallo nige da maggigiammu. Tudduammu nu kunnasi da i-access anna usan i elektroniko ira nga tool para ta paggigiammu. Ipasingammu nu kunnasi da alegan i bagu ira ta jw.org anna JW Broadcasting^®. Sisinu nga tudduammu ira nga bibbigadda i Biblia kadaggaw, mapprepara ta study ira na kongregasion, anna i-research i tabbag ta pakkiavu da ira. Duffunammu ira nga pannonopadda tu mapia i magiggigiammu da.

GIRAWAN I VIDEO NGA UFFUNAN I ESTUDIANTEM TA BIBLIA NGA PAKANAN I BAGGINA TA ESPIRITUAL, KABALIN NA, TABBAGAN I TUMUNUG IRA NGA PAKKIAVU:

• 

  Kunnasi nga niyesplika ni Neeta kani Jade nga ta paggigiammu, ari laman nakuan nga basta ammu na i tabbag?

• 

  Kunnasi nga nakumbinsi si Jade nga fustu si Jehova ta pangigamma na ta seksual nga imoralidad?

• 

  Anni i na-realize ni Jade meyannung ta pannono tu mapia?