Parigammu i Pagimamma ni Jehova ta Nikaw

“Magayaya i YAFU ta totolay na.” (Sal 149:4) Maski imperfekto ittam, i makkarasta nga kualidad tam anna i potensial tam i inninnan ni Jehova. Ngem marigatan ittam nu karuan nga masingan i makasta ira nga kualidad tam. Baka matageno tam nga awan tu sesserbi tam megafu ta pattratu na totolay nittam. Nu agga-nono tam gapa i nakkamaliattam ira, baka madduda ittam nu talaga iddeddukan ittam ni Jehova. Anni i makoffun nittam nu kunnatun i matageno tam?

Tandaanattam nga masingi-singan ni Jehova i ari nga masingan na tolay. (1Sm 16:7) Kayà na kagian, masingi-singan na i ari tam masingan ta baggi tam. Pia ngana laman ta mammuattam ta Biblia i pagimamma ni Jehova ta nittam. Mammuattam yatun nu gigiammuattam i teksto anna istoria ira ta Biblia nga mangipasingan ta kadakal na pangaya ni Jehova ta totolena.

GIRAWAN I VIDEO NGA KUMBINSIAMMU I FUTUM NGA IDDEDDUKAN NAKA NI JEHOVA, KABALIN NA, TABBAGAN I TUMUNUG IRA NGA PAKKIAVU:

• Anni i magigiammu tam ta abbing nga nakisali ta karera anna ta yama na meyannung ta pagimamma ni Jehova ta nittam?

  I tabbag mu

• Nu nakaliwa tu madammo i tadday nga tolay anna kiningngua na ngana i ngamin tapenu metoli i makasta nga relasion na kani Jehova, kunnasi na nga makumbinsi i futu na nga iddeddukan yayya ni Jehova?—1Jn 3:19, 20

  I tabbag mu

• Kunnasi nga nakaduffun ta brother i pabbibbig anna pannono na ta nesimmu kani David anna kani Jehosafat?

  I tabbag mu