Ikaya Tam Ngamin i Makasta nga Mappange

Ngem aru nga totolay i madduda nu mesimmu paga i makasta nga mappange nga ikaya da. Egga garay i gavva ira nga nesimmu kagitta na COVID-19 pandemic. Marake i efekto natun ta pattolay, aru i nazziga, anna aru i natay. Megafu tatun, mavurung ira nga ari ngana nga makkasta i mappange da.

Megafu ta mesissimmu ira sangawe, pursigidu i totolay ira nga magaleg tu mangigiya ta nira tapenu makkasta i mappange da. Mattalo i karuan ta ari masingan ira nga fuersa kagitta na destiny onu suerte. Prayoridad gapa na aru i edukasion anna kuartu ta abbattadda nga danatun i makeyawa ta ikaya da. Para gapa ta karuan, mawag nga magangngua ira tu mapia tapenu makkasta i pattolay da.

Danatun kari i makeyawa ta mappange nga ikaya mu? Tapenu mammuammu i tabbag, pannonopammu danaw ira nga pakkiavu:

• Sitaw talaga nakadepende i mappange mu?

• Meyawa kari na edukasion anna na kuartu i makasta nga pattolay?

• Siguradu kari nga makkasta i mappange mu nu magangngua ka tu mapia?

• Pakalegammu tu mapammakatalakkan nga giya ta makasta nga mappange?

Maduffunan naka naw nga Passifusifutan tapenu mammuammu i tabbag.