Nipromesa na Dios i Perfekto nga Mental nga Gawa-gawayyan

Fuera paga tatun, nipromesa na gapa nga permanente nga alsanan na i ngamin nga makagafu ta mental ira nga taki.

Sonu netuppal ngana na Dios yatun nga promesa na, “ari ngana manono . . . ni tu mepafutu paga” i mataki ira nga mataga-tageno tam, i mental nga taki tam, anna i ziga nga pappasa-pasattam.—Isaias 65:17.

Kakayà naka nga duffunan na Saksi ira ni Jehova tapenu mammuammu nu kanni anna nu kunnasi nga tuppalan na Dios yatun nga makakkasta nga promesa na.