Tips ta Pangusa ta Website

Pagaleg ta Ne-feature ira nga Artikulo

Aru nga wawwaragi tam i mangusa ta ne-feature ira nga artikulo ta home page na jw.org ta ministerio da. Mabi laman nga me-forward danatun nga artikulo anna maruddu nga ipakanawag danatun nu ngatta ketuppalan na profesiya ta Biblia i mesissimmu ira ta maddaggun. Kinagi na tadday nga brother nga i artikulo ira ta home page i “eksakto nga kawagattam ta maddaggun nga forma na ministerio tam.”

Ngem kanayun nga matalian i artikulo ira nga me-feature tatun. Kunnasim gafu malegan i artikulo ira nga dati nga nappasingan ta home page?

• Ta home page na jw.org/ibg, i-click i link nga “Innan Paga” aranni ta utun na page. Madderechu yatun nga link ta page nga “Ne-feature ira ta Home Page” nga pakalegan ta mas aru nga artikulo nga ne-feature nikanni laman.

• Ta jw.org/ibg, i-click i “Library,” tapus “Serye ira na Artikulo,” tapus “Karuan Paga nga Topiko.” Ta JW Library^® gapa, i-click i “Library,” tapus “Article Series,” tapus “Karuan Paga nga Topiko.” Malegammu tatun i aru nga artikulo nga ne-feature ta home page.