Makaleg Ka tu Giya Para ta Inaggaw ta JW.ORG

Malegattam ta Uvovug na Dios i ngamin nga mawag tam tapenu marubattam i problema ira taw nga pangurianan ira nga aggaw. (2Ti 3:1, 16, 17) Ngem nu mittan, mawag tam i uffun tapenu malerattam i prinsipio ira na Biblia para ta espesipiko nga situasion. Angngarigan na, magala-aleg ka kari tu giya nu kunnasim nga padakallan i ána mu? Tadday ka kari nga tinedyer nga marigi-rigatan nga itaddaggan i pangurug mu? Natay kari i atawam? Makaleg ka tu informasion ta jw.org nga mangidirekta niko ta espesipiko ira nga prinsipio ta Biblia nga makaduffun ta kunnatun ira nga situasion anna ta karuan paga.​—Pr 2:3-6.

Ta home page na jw.org, i-click i tab nga TUTTUDDU NA BIBLIA. (Innan i ollu nga letratu.) Piliammu i ikaya mu ta mallawan ira nga kategoria. Onu i-click i LIBRARY > SERYE IRA NA ARTIKULO tapus piliammu i kategoria nga ikaya mu. (Innan i mekadua nga letratu.) Kunnatun gapa i kategoria ira ta JW Library^®.a Awayya na nga egga i magustuammu nga artikulo ta pab-browse mu tatun. Awayyam gapa usan i search box ta jw.org tapenu magaleg tu espesipiko nga topiko.

I-type mu danaw nga topiko ta search box, tapus itura mu i artikulo ira nga kayà mu nga bibbigan.

• Pamadakal tu ana

• Ebolusion

• Patay na atawa