Tips ta Paggigiammu

I-memorize i “Nespirituan ira nga Kansion”

“Nu madaddammo i panageno ku, pasa-pasikannan ni Jehova i nono ku gukaban na kansion ira ta JW Broadcasting^®.”​—Lorraine, U.S.A.

Namegafu tagga, parte ngana na paddayaw na Cristiano ira i “nespirituan ira nga kansion.” (Col. 3:16) Nu kabisaduammu danatun, maduffunan naka maski sonu awan tu songbook onu gadyet mu. Purueban i tumunug ira nga tip tapenu ma-memorize mu i kansion ira.

• Intindiammu tu mapia i lyrics na tapenu mala mu i mensahe na. Mas mabi mu nga matandaan i tadday nga gannug nu nantindiammu yatun. Available ta jw.org i lyrics na ngamin nga kansion tam, kasali ngana i orihinal nga kansion anna i kansion para ta abbarabbing. Umay ka ta seksion nga Library, tapus ta Musika.

• Itura mu ta papel i lyrics. Mas mabi mu nga makabisadu i kansion nu kuammu yatun.—Deut. 17:18.

• Iyassikammu i pappraktis. Mamippiga nga bibbigan onu kansionammu yatun.

• Innammu nu anni ira i na-memorize mu. Puruebammu nga ikansion uli i lyrics maski nu ariammu innan. Tapus, i-check mu nu sakto ira i ni-memorize mu.