Tuppalan na Matalo nga Totolay i Nipromesa Da

Bibbigan i Ukum Ira 11:​30-40 tapenu makagigiammu ka ta istoria ni Jefte anna ta ana na nga babay meyannung ta pattuppal ta promesa ira.

Pannonopan i karuan paga nga detalye. Kunnasi kaimportante ta matalo ira nga Israelita i promesa da ira kani Jehova? (Num. 30:2) Kunnasi nipasingan ni Jefte anna na ana na nga babay i pangurug da kani Jehova?—Uk. 11:​9-11, 19-24, 36.

Mar-research. Anni i agga-nono ni Jefte turi ta nappromesa yayya kani Jehova? (w16.04 7 ¶12) Anni ira i nisakrifisio ni Jefte anna na ana na nga babay tapenu matuppal ni Jefte i promesa na? (w16.04 7-8 ¶14-16) Anni ira i importante nga ipromesa na Cristiano ira kani Jehova sangawe?—w17.04 5-8 ¶10-19.

Pannonopan nu kunnasi meyaplika. Iyavu mu ta baggim:

• ‘Anni i makoffun niakan tapenu matuppal ku i promesà nga passerbian tu mannanayun si Jehova?’ (w20.03 13 ¶20)

• ‘Anni ira i awayyà nga isakrifisio tapenu mas mapasserbiakku si Jehova?’

• ‘Anni ira i kuakku tapenu matuppal ku i promesà ta atawà turi ta nakkasal kami?’ (Mat. 19:​5, 6; Efe. 5:​28-33)