PARTE 1

Kunnasi Ittam nga Magginna ta Dios?

Makibbida nittam i Dios gukaban na Biblia. 2 Timoteo 3:16

Si Jehova nga egga ta tronona ta langi, ininspiranna i lallaki nga itura i Biblia

Inusa na kurug nga Dios i lallaki ira tapenu metura i ginnonopan na ta tadday nga sagrado nga libru—i Biblia. Mabibbig taw i importante ira nga informasion nga ikaya na Dios tu kannammuam mu.

Ammu na Dios nu anni i kuruga mapia nittam. Yayya i paggafuan na ngamin nga sirib. Nu ginnammu yayya, mabbalin ka tu kurug nga masirib.—Santiago 3:17; Lucas 11:28.

I Biblia ta aru nga lengguahe; lalaki nga mabbibbig tu Biblia ta lengguahena

Ikaya na Dios tu bibbigan na ngamin na totolay i Biblia. Mabibbig ngana yaw ta aru nga paguvovug sangawe.

Nu ikaya mu i magginna ta Dios, mawag nga bibbigammu anna alippawatammu i Biblia.

Maggigginna i totolay ta ngamin nga lugar. Mateo 28:19

Tadday ta Saksi ira ni Jehova nga mabbibbig tu teksto ta lalaki, tapus maggigiammu tu Biblia kavulu yaya

Maduffunan naka na Saksi ni Jehova ira nga mangalippawa ta Biblia.

Ta interu nga mundo, ituttudduda i kinakurug meyannung ta Dios.

Study ta Kingdom Hall na Saksi ira ni Jehova

Awang tu pagammu ta panudduda. Tapenu aru paga i madidiamum, awayyam gapa i umay ta Kingdom Hall, i lugar nga paddayarayawan na Saksi ni Jehova ira nga aranni niko.