Pakastan i Abilidad Tam ta Ministerio​—Pangigafu tu Pakiyuvovug Tapenu Makapallayyagayya

Nalayyagayyan ni Jesus ta informal i Samaritana megafu ta nigafuna i nakiyuvovug ta babay. Kunnasi tam mapakasta i abilidad tam ta pangigafu tu pakiyuvovug ta ariattam ammammu?

• Mabbalin tu masippo anna makiyuvovug ta totolay. Maski nu nabannag, nakiyuvovug si Jesus gukaban na pakkiddona tu danum. Maddios labbi gafu anna awayyana makkagi meyannung ta tiempo onu ta bagu nga balita. Nonopan nga i pangigafu laman tu pakiyuvovug i gakkag tam ta ollu, ipakiyuvovug gafu i anni laman nga topiko nga paginteresan na tolay. Awan mabba tu mawawan nikaw nu ari yayya nga tubbag. Puruebammu uli ta tanakuan. Makkiddaw tu gutu kani Jehova.​—Neh 2:4; King 4:29.

• Magalerto ta oportunidad nga meyarubang i mapia nga dumug, ngem kammu mappabibibi. Kuan tu natural i pakiyuvovug. Nu fuersammu, posible nga mairita i tolay anna arianna ngana makiyuvovug. Ari ka madismaya nu nangultimo i paguvovugnu nga kammu nakapallayyagayya. Nu awan tu komfiansam nga ipakiyuvovug i mapia nga dumug, ensayuan nga mangigafu tu pakiyuvovug maski kammu mallayyagayya. [Ipagiraw anna paguruvovugan i video 1.]

• Ikaguman nga magaleg tu oportunidad nga makapallayyagayya gukaban na napafutuan nga pangikagi ta pangurug mu, nga posible nga mamaguyu ta tolay nga makkiddaw tu pakanawag. Makapa-interes i kinagi ni Jesus, yatun tu nakkiavu i babay. Ta pangiyarubanna ngana ta mapia nga dumug, tattabbaganna laman i pakkiavu na babay. [Ipagiraw anna paguruvovugan i video 2, kabalinna, ipagiraw anna paguruvovugan i video 3.]