Pangikaguman nga Addetan i Futu

Proverbio 3:1

SUMARIO: Uffunan i maggigginna nga malippawa i importansia na nagigiammuda anna iyaplikada yatun.

NU KUNNASI NGA KUAN:

• Uffunan i maggigginna nga usitakkan i baggida. Mangusa tu mamappanono ira nga pakkiavu tapenu moffunan i totolay nga usitakkan i mismu nga pagimammada.

• Ipagaram i makasta nga motibo. Ipagaram ta maggigginna nga pannonopan nu ngatta kukukuadda i mapia. Uffunan ira nga mapeggan tu makasta nga motibo—aya kani Jehova, ta kasittolay, anna ta tuttuddu na Biblia. Ipalippawa nira i sirib ta kakkagian na Biblia; ariammu ira sermonan. Imbes tu pasiranammu ira, napatuyag nakuan ira kabalin na presentasiommu anna napaguyu nga kuadda i adde na mawayyada.

• Idirekta i atension kani Jehova. Ipasigo nu kunnasi ipasingan na tuttuddu, prinsipio, anna bili-bilin ira na Biblia i kualidad ira na Dios anna i ayana para nittam. Uffunan i maggigginna nga makkaraga nga ikonsidera i panageno ni Jehova anna mapagayayya yayya.