MATTOLAY NGA CRISTIANO

Pakastan i Abilidad Tam ta Ministerio—Pagaramman i Interesadu ira nga Magatende ta Study

Brother nga mangiyawa tu imbitasion ta study ta tadday nga lalaki

NU NGATTA IMPORTANTE: Ta study ira, regular tam nga ‘makkansion’ kani Jehova anna ‘dayarayawan yaya.’ (Sal 149:1) Matudduattam tatun nga kuan i uray na Dios. (Sal 143:10) Mas mapprogreso i interesadu anna Bible study ira nu mamegafu ngana ira nga magatende ta study.

NU KUNNASI NGA KUAN:

Imbitan insigida. Ariammu ngana innaggan nga mamegafu labbi i paggigiammunu tu Biblia.—Nep 22:17
Iyesplika ta interesadu nu anni i ekspektanna anna nu anni i magigiammu sonu tumunug nga study na kongregasion. Makoffun i tumunug: I imbitasion para ta study na kongregasion, i video nga Anni Kukukuadda ta Kingdom Hall?, anna leksion 5 anna 7 na brosiur nga Uray ni Jehova
Manguffun. Mawag kari na tadday nga interesadu i pattakayan onu uffun ta pappili tu mepangngo nga sinnun? Mebiko sa ta study, anna iddan yaya tu publikasion. Iyammammu yaya ta tanakuan