MABBALIN TU EFEKTIBO TA MINISTERIO | KUAMMU TU MAS MAKAPAGAYAYYA I MINISTERIOM
Duffunammu i Bible Studym nga Magatende ta Study
Importante nga parte na marenu nga paddayaw i paggarammammung na kongregasion. (Sal 22:22) Magayayya anna mabendisionan i ngamin nga maggarammammung tapenu dayawan si Jehova. (Sal 65:4) Gagangay ngana nga mas alistu i papprogreso na Bible study ira nu regular ira nga magatende ta study.
Kunnasim maduffunan i Bible studym ira nga magatende ta study? Kana-kanayummu ira nga imbitan. Ipagirom i video nga Anni Kukukuadda ta Kingdom Hall? Iyesplikam nu ngatta pammakapianadda i pagatende da. (lff leksion 10) Awayyam makkagi tu espesipiko nga nagigiammum ta study onu kagiammu i magigiammu ta tumunug nga study. Iddammu ira tu kopia na magigiammu ta study. Sigga-parakka nakuan nga manguffun ta praktikal. Awayya na nga mawag da i pattakayan. Ari tu kakenga i anni laman nga sakrifisiom oras tu magatende ngana ira ta study.—1Co 14:24, 25.
GIRAWAN I VIDEO NGA UFFUNAN I ESTUDIANTEM TA BIBLIA NGA MAGATENDE TA STUDY IRA, KABALIN NA, TABBAGAN I TUMUNUG IRA NGA PAKKIAVU:
Kunnasi nga naimbita ni Neeta si Jade nga magatende ta study?
Ngatta magayayya ittam nu makistudy i Bible study tam?
“Kurug nga egga nikamu i Dios”
Anni i naekspiriensa ni Jade ta gafu nga pagatende na ta study?