5 Samsịn wee soro nne ya na nna ya gbadaa Timna. Mgbe o ruru n’ubi vaịn ndị dị na Timna, otu ọdụm pụtara na-agbọ ya ụja. 6 Mmụọ Jehova wee mee ka Samsịn dị ike,+ ya adọwaa ọdụm ahụ abụọ, otú mmadụ si eji aka nkịtị adọwa nwa ewu ụzọ abụọ. Ma, ọ gwaghị nne ya ma ọ bụ nna ya ihe o mere.

34 Devid asị Sọl: “Mụnwa bụ́ ohu gị nọ na-azụ atụrụ nna m, otu ọdụm+ abịa buru otu atụrụ n’atụrụ ndị ahụ. N’oge ọzọkwa, otu anụ ọhịa bea bịakwara mee otu ihe ahụ. 35 Ma, m chụwara ha kụgbuo ha ma napụta atụrụ ndị ahụ n’ọnụ ha. Mgbe ha lụsoro m ọgụ, m jidere ha n’ajị* kụgbuo ha. 36 Ohu gị kụgburu ma ọdụm ahụ ma anụ ọhịa bea ahụ. Onye Filistia a a na-ebighị úgwù ga-adịkwa ka otu n’ime ha, n’ihi na ọ na-echere ndị agha Chineke dị ndụ aka mgba.”*+

21 Ozugbo ahụ, Daniel sịrị eze: “Eze, ị ga-adị ndụ ruo mgbe ebighị ebi. 22 Chineke m zitere mmụọ ozi ya wee mechie ọnụ ọdụm ndị a.+ Ha emeghị m ihe ọ bụla+ maka na aka m dị ọcha n’anya Chineke m. Eze, e nweghịkwa ihe ọjọọ m mere gị.”